Este venres 10 de xuño terá lugar nas instalacións de Suministros Lar un evento especial e emotivo. A partir das 11:00h desenvolverase a entrega dos premios do Concurso de Murais de Azulexo de Lar. De feito, xa poden pasar por alí e disfrutar deses singulares elementos decorativos que percorrerán o país, exportando o patrimonio subacuático da Costa da Morte, como fan este mes os murais dos Faros na Coruña.

Este ano, o tema principal sobre o que xira o transversal proxecto é Os Naufraxios: o rico patrimonio arqueolóxico que albergan os nosos fondos mariños así como todas as historias que hai detrás de cada naufraxio.

Para desenvolver o seu mural, cada un dos centros de ensino e centros especiais participantes, tiveron que facer un completo proceso de inmersión e investigación histórica, falando con axentes tan ben documentados como Pepe de Oleghario ou Fernando Carrillo.

Primeiro tocou escoller un naufraxio por centro. Logo investigar e adentrarse na súa historia, utilizando as redes sociais de toda a vida: as charlas cos nosos maiores. Aí comezaba o proceso creativo de preparar o deseño, e do papel ao mural para ir creando, peza a peza, estas obras de arte.

O resultado xa o podemos ver no aparcamento e este venres teremos unha gala chea de sorpresas, e a música en vivo da man de Marcos Traba (usuario de asociación Apem de Cee).

Os participantes

Xurado

O xurado está composto por Antón Castro comisario de arte; Covadonga Carrasco do Estudo de arquitectura Creusecarrasco; Begoña Fernandez arquitecto de interiores e gerente da galería de arte Stoupa e Félix Quintero, ex-director de Fenosa para Sudamérica.

Novas do Concurso de Murais

• Xuño 22: Os murais de Lar exportan os Faros da Costa da Morte á Marina da Coruña.
• Maio 22: Os centros de ensino mergúllanse no patrimonio subacuático gracias ao transversal Concurso de Murais de Azulexo.
• Outubro 21: O Concurso de Murais de Lar volve ás aulas e ás asociacións en clave de naufraxios.
• Xaneiro 2020: Os escolares sumérxense no patrimonio subacuático cos Carrilo e Pepe de Oleghario.
• 2020: O novo Concurso de Murais de Azulexo de Lar mergúllase no patrimonio subacuático.
• 2019: Por 1 millón de likes para a Costa da Morte
• 2019: Os murais de Azulexo da Costa da Morte renovan o museo urbano de Sanxenxo.
• 2018: Paz Lago: "Os murais de azulexo dos faros da Costa da Morte son perfectos para que os turistas inmortalicen Sanxenxo”.
• Agosto 18: Os faros de azulexo que ensinan a Costa da Morte a milleiros de turistas en Sanxenxo.
• 2016: Un mar de deportes acuáticos en clave de azulexo.
• 2014: Os Murais de Azulexo comezan a tomar forma nos centros de ensino.