Este pasado martes, varios veciños da zona veñen de constatar a presenza de centos de troitas mortas na enseada de Lires. Mentres estaban na praia viron pasar ducias de troitas mortas pola desembocadura do río Castro, troitas procedentes, presuntamente, da piscifactoría.

Ademais, cando pasearon pola enseada viron ducias de exemplares mortos o pequeno lago formado en fronte da piscifactoría, polo que avisaron ao Seprona.

 

 

 

 

View this post on Instagram

 

 

 

 

 

 

 

 

 

 

 

A post shared by Que pasa na Costa (@quepasanacosta)

Dende o Grupo Tres Mares (a empresa propietaria das instalacións de Lires, que é propiedade da multinacional Grupo Cavier Pirinea trala compra realizada en 2023), explican que "o viveiro de troitas arcoiris de Lires sufriu unha mortaldade de peixes cun número aínda indeterminado". Sinalan que "a causa do incidente foi determinada desde o principio e está relacionada coa entrada de auga do mar nalgunhas das pozas".

A entidade explica tamén o procedemento: "Dado o elevado número de peixes en cultivo afectados, algunhas das reixas de saída do circuíto do viveiro quedaron obstruídas, o que provocou o desbordamento da auga e que algúns peixes escaparan ao mar. Comezamos a inspeccionar e retirar manualmente os peixes atopados na ría. Este incidente afecta só ás troitas de cultivo, sen implicacións sanitarias nin ambientais", aseguran dende a empresa.

Calidade das augas

Con todo, se ben o areal tiña dende 2020 o cartel de “prohibición permanente do baño” tras sumar recibir durante máis de 5 anos malas análises da súa auga (e polo tanto o Sergas xa non medía a calidade da auga ata que se realizasen obras para mellorar o saneamento), o Sergas decidiu volver incluir o areal ceense nas praias en avaliación. Deste xeito, en breve coñeceremos se as augas de Lires son aptas para o baño.

Máis novas