En marcha os Premios de achegamento cultural da Biblioteca de Cee

Cee Cultura

07:00 03/02/16

A-Biblioteca-de-Cee-editou-o-segundo-libro-dos-seus-Concursos-Literarios

A Biblioteca de Cee conta con dous fermosos libros con todo o material realizado polos cativos dende o 92

Menudo tesouro temos en Jose Ramón Rey Senra, o responsable da Biblioteca Francisco Mayán de Cee. Activo coma sempre difundindo o achegamento á cultura, como o demostran os máis de 20 anos organizando estes certames para os alumnos da comarca.

Este 2016 chega con o XXV Concurso de Achegamento ao libro, o Certame Na procura do noso V Cómic, emais o Certame Na procura do noso XII Marca-Páxinas.

Os traballos entregaranse sen asinar, cos datos do autor (nome, enderezo, teléfono) nun sobre pechado, podendo figurar no exterior do mesmo o nome do centro educativo e o curso do participante. Dita entrega farase no Rexistro Xeral sito no 1º andar da Casa do Concello (r/Domingo Antonio de Andrade, s/nº) en horario de mañá de luns a venres de 9.00-13.30, antes do día 14 de abril.
O resultado final do concurso farase público o día 18 de maio.

Os premios son vales para cambiar por material escolar.

Achegamento ao libro

No Concurso Literario de “Achegamento ó Libro” poden participar tódolos alumnos de Educación Primaria e Secundaria, cunha extensión máxima de dous folios por unha cara en lingua galega.

Na procura do cómic

Na procura do MarcaPáxinas

Enfocado aos alumnos de Educación Primaria e Secundaria, a temática do cómic estará relacionada cun motivo que nos achegue ó libro, buscando sempre fomentar o hábito da lectura da poboación. As obras presentáranse en tamaño DIN A4 (210 x297 mm), por unha soa cara.