Mar de Fábula e o Colectivo Carnota convocan dúas limpezas das praias de Estorde e Ardeleiro
A pesar de ter recoñecido que a situación de emerxencia que vive o noso litoral debería ser competencia e responsabilidade das administracións, as entidades medioambientais non poden ficar paradas ante a desfeita natural que están a provocar esta continua marea de temporais.
Así, esta fin de semana, e aproveitando as boas predicións meteorolóxicas, Mar de Fábula e o Colectivo Carnota convocan sendas xornadas de limpeza voluntarias en Estorde, Cee, e en Ardeleiro, Carnota.
En Estorde
Mar de Fábula non para. Se o domingo irán a Doniños, na zona de Ferrolterra, o sábado limparán a praia de Estorde, que vive unha situación tremenda.
A cita é ás 11.00 horas no aparcamento da praia. Elas levarán todo o material necesario para acometer esta limpeza. A efectos de cobertura de seguros é necesario anotarse con nome, apelidos e DNI, antes das 20.00 horas do venres, 20 de febreiro, no correo electrónico: info@mardefabula.gal ou no teléfono: 608609042.
En Carnota
O Colectivo Carnota convoca unha nova limpeza para este 22, desta volta para recoller lixo en parte da costa entre Lira e Lariño, tendo o punto de encontro ás 11:00h na praia de Ardeleiro.
