O BNG de Cee vén de presentar un escrito no concello no que lle pedirá ao goberno que "corrixa vellos erros no uso do noso idioma". Deste xeito, solicitan que "se faga cumprir o artigo 6.3 da Lei de Normalización Lingüística, que se rectifiquen os rótulos que estean en castelán, coma os sitos na praza do concello, ou os da rotonda da vía cara a Fisterra que seguen a indicar “Finisterre”. Estes útimos, de non seren de titularidade do concello, pedimos que o goberno inste ante a Xunta e se faga respectar a legalidade".

Denuncian tamén que "o buzón de voz que contesta cando se chama por teléfono ao concello recibe en galego, pero logo usa o castelán para pasarche co departamento elixido".

Así, dende o BNG aseguran ser "conscientes de que algúns deses erros son herdados de gobernos anteriores, nembargantes sorprende que o goberno non teña feito nada ao respecto, mais tendo en conta que o forman unha forza que se di nacionalista, e que o preside a Deputada de Normalización Lingüistica da Deputación de A Coruña".

Novas relacionadas

• Iglesia de Couto ou Igrexa do Couto?.
• Pola recuperación das formas tradicionais dos días da semana.
• Por fin un dominio e un dicionario de sinónimos en galego.
• 17 de maio: A Xunta “pasa” do galego.
• En marcha a Asociación de Medios en Galego con participación costeira.

Outras novas

• Un estudiante xaponés a un galego: “Perdoe, pode falarme en galego?”.

Fonte

• BNG de Cee.