Volve a Fundación Fernando Blanco á carga coas súas propostas culturais, e desta volta toca o 3º Concurso de relatos Curtos e máis o 2º Concurso de Debuxos. Ambos concursos están destinados ós alumno/as dos centros educativos de 10 concellos da contorna (Carnota, Camariñas, Cee, Corcubión, Dumbría, Fisterra, Mazaricos, Muxía, Vimianzo e Zas).

En ambos concursos o prazo para a entrega dos traballos remata o 15 de maio, resolvéndose o concurso nun máximo de 45 días naturais contados dende a data límite de entrega. Para elo organizarase un acto de entrega de premios que será debidamente comunicado ós premiados e á sociedade en xeral.

As bases completas do concurso poden descargarse na web www.museofernandoblanco.org (pestana CONCURSOS 2015).

III Concurso de Relatos Curtos

Establécense dúas categorías:
- Categoría A (3º Ciclo de Primaria);
- Categoría B (1º, 2º, 3º e 4º da ESO)

Os relatos deberán xirar en torno ó tema “O MAR”. Os participantes deben centrar os seus traballos nun medio tan importante para Galicia, e por suposto para a Costa da Morte, como é o mar. Os enfoques poden ser variados: o mar como espacio de lecer; o mar como fonte de riqueza; o mar como escenario de traxedias…
Os relatos deberán estar escritos en lingua galega, e terán unha extensión máxima de 6 folios, confeccionados a ordenador, a dobre espazo e por unha soa cara (arial 12).
Entregaranse tres premios por categoría de 100, 75 e 50 euros, ademáis de diploma.

II Concurso de Debuxo

Establécense dúas categorías:
- Categoría A (1º Ciclo de Primaria);
- Categoría B (2º Ciclo de Primaria)

Os debuxos deberán xirar en torno ó tema “O MAR”. Cada participante poderá presentar un único debuxo (poderá facerse tamén unha sucesión de viñetas, a modo de cómic). A técnica será totalmente libre, podéndose empregar, por exemplo, acuarelas, ceras, témperas, lápices de cores, collage, etc. O debuxo deberá facerse en cartulina, formato DIN A4 ou DIN A3, vertical ou horizontal. Ningún traballo deberá ir enmarcado ou con montaxe especial. Ademáis deberá acompañarse cada debuxo cunha frase explicativa ou slogan.
Entregaranse tres premios por categoría de material didáctico valorado en 50, 40 e 30 €, ademáis de diploma.

Novas relacionadas

• Fernando Blanco a ritmo de rap.
• Miguel San Claudio contoulle a Fernando Blanco a historia dos naufraxios costeiros.
• A emoción foi a protagonista no 218 aniversario de Fernando Blanco.
• Os alumnos de Cee coñecen de preto a Costa dos mil naufraxios.
• Xabier Díaz trouxo o mellor da música galega a Cee.
• A Fundación Fernando Blanco prepara un Mes de outubro de vertixe cultural.
• Rafael Lema e Miguel San Claudio, medalla ao mérito cultural polos seus submariños traballos arqueolóxicos.

Novas relacionadas

• Mes da Fundación 2013: A música pechou un mes de Cultura na Fundación Fernando Blanco.
• Mes da Fundación 2013: Os alumnos de Cee disfrutan da ciencia e dos contos no Mes da Fundación.
• Mes da Fundación 2013: Neira Vilas repasou a emigración ás Américas no Mes da Fundación.
• Mes da Fundación 2013: Rosalía e Jorge Mira comparten tesouros con Fernando Blanco.

Máis información

• Recunchos da Costa: O Edificio Fernando Blanco.
• QPC: Tesouros da Fundación.
• QPC: Fernando Blanco de Lema, por Darío Areas (V) – 125 anos de historia educativa no Instituto Fernando Blanco:
• Patrimonio Galego: Edificio Fernando Blanco de Cee.
• http://www.museofernandoblanco.org.

Fonte

• Redacción de QPC ([email protected]).