A oposición de Cee vólvese unir para pedir outro pleno pola falta de diálogo na xestión do COVID
Por segunda vez, os grupos municipais da oposición no Concello de Cee (PP, IxCEE, BNG e Grupo Mixto-Cs), volven solicitar un pleno extraordinario para estudar e debater sobre “a compra dos aparatos de desinfección para a loita contra o Covid”.
Os catro portavoces coinciden en sinalar que “tivemos coñecemento polos medios de comunicación, da adquisición dos aparatos de desinfeción para loita contra o Covid-19. Consideramos que habendo unha comisión, con representación de todos os grupos da oposición, que non foi convocada para infromar e/ou concordar a idoneidade das compras, faise imprecindible que a alcaldesa dea as explica oportunas, así como que escoite as nosas aportacións para loitar contra a pandemia”.
Aproveitan para lembrar que “a alcaldesa esquece que goberna cunha minoría importante, con catro de trece concelleiros/as, polo que o diálogo debería ser a tónica dominante, mais non o está sendo”.
