Os traballadores de XEAL retomaron esta mañá de xoves as mobilizacións cunha manifestación en Santiago de Compostela. Con premisas como “Xeal atraca, Augas cala”, “Coa nosa auga, non se especula”, ou “Xeal arruina a comarca, Xunta cómplice” ducias de traballadores levaron a loita polo mantemento da actividade nas fábricas de Cee e Dumbría ata a capital galega.

A manifestación de hoxe, que arrincou ás portas do edificio administrativo da Xunta e rematou diante de Augas, serve para poñer o foco nas esixencias que leva denunciando o Comité nos últimos meses. Esixen que se cumpran as condicións que teñen as actuais concesións, que contemplan o mantemento da actividade industrial nas fábricas de Cee e Dumbría, o mantemento dos postos de traballo e a actualización do convenio colectivo.

Todo despois de que nos 3 últimos anos as fábricas pasasen de ter 5 fornos en marcha para ter agora un en cada fábrica; de pasar de 293 traballadores fixos a menos de 260; máis de 80 eventuais que non volveron pisar a fábrica, como a empresa auxiliar que operaba.

O Comité de empresa lembroulle directamente á Xunta que ten solicitado unha reunión para ser informados sobre a petición dunha concesión á Augas por parte da empresa para realizar a estación de bombeo na Ruña:

Máis mobilizacións

Continuará no novo calendario de concentracións e mobilizacións que terán continuidade diante da fábrica, o xoves 22 ás 14:15 horas, e o 29 de setembro novamente en Santiago, diante da Xunta.

TODAS AS NOVAS RELACIONADAS CON XEAL

• Agosto 2022: O comité de XEAL solicita reunións cos grupos parlamentares, concello de Mazaricos e a Xunta.
• Agosto 22: O Comité de XEAL volve denunciar o intento de segregación entre a produción hidroeléctrica e industrial.
• Agosto 22: Unha estación de bombeo ameaza a riqueza natural do monte da Ruña, o cumio máis alto da Costa da Morte.