Recuperar o servizo de atención médica, e amosar o seu rexeitamento ante o posible peche, foron as dúas premisas da concentración convocada onte pola CIG diante da Oficina do ISM de Corcubión.

Uns 150 profesionais do mar non fltaron á protesta a pesar do mal tempo, para protestar contra un asunto que atinxe a profesionais dos concellos de Cee, Corcubión, Fisterra, Muxía, Camariñas, Laxe, Ponteceso, Carnota e Malpica. Son arredor dos 1.400 profesionais os que “que agora teñen que desprazarse até a Coruña co conseguinte gasto económico e a perda de tempo que lles impide saír ao mar a faenar", advirte Xabier Santos, responsábel da Unión Local da CIG de Cee.

A día de hoxe xa se está producindo unha saturación nos centros da Coruña, onde non dan cita ata 2021, provocando que algúns mariñeiros non poidan saír a traballar.

A CIG alerta da intención do Consello Xeral do ISM de “reestructuración do sector” e da intención de “centralizar o servizo na Coruña” se pretendia centralizar o servizo na Coruña. Así mesmo, a CIG lembrou que a anterior reestruturación, en 2009, “o PSOE acabou por pechar as oficinas espalladas pola Costa da Morte”.

NOVAS SOBRE O ISM

• 09-10-2020: O colapso dos ISM fai peligrar a validez do recoñecemento médico obrigatorio dos mariñeiros/as.
• 28-09-2020: Critican a falta de contudencia dos alcaldes/as socialistas da comarca ante o posible peche do ISM.
• 25-09-2020: A Subdelegada do Goberno recoñece que non se pode cubrir a praza de médico do ISM pero afirma que non se vai pechar.
• 24-09-2020: A directora do ISM non cobre a praza do médico, deixa aberta a porta ao peche e mesmo fala de privatizar o servizo.
• 14-09-2020: ISM e xubilación: O BNG escoita as demandas do sector do mar en Corcubión.
• 09-09-2020: “As respostas que nos dan ante a falta de servizo do ISM son un vacile”.
• 09-09-2020: Novas queixas ante a reiterada baixa do médico e o posible peche do ISM de Corcubión.
• 08-09-2020: Alertan da posible perda do servizo do ISM de Corcubión.
• Agosto 2020: Os profesionais do mar denuncian a falta de médico para realizar o recoñecemento médico obrigatorio.