Uns 200 mariñeiros acodiron á chamada da Confraría de Corcubión para manifestarse contra os privilexios da pesca de arrastre, contra as políticas europeas restritivas ca pesca do xeito e en defensa da pesca artesanal. Unha pelexa que xa leva sendo unha realidade dende a Costa da Morte varios anos, loitando por manter os milleiros de postos de traballo que crea a pesca de baixura en toda Galicia. Unha baixura que crea moito máis emprego que o resto de sectores da pesquería.

O diferente trato de favor das autoridades para cos arrastreiros e para coas pequenas embarcacións é un dos cabalos de batalla. Critican que a Xunta non apareza cando os arrastreiros chegan a porto, e iso que son eles os grandes exprimidores dos fondos mariños.

Mariñeiros de toda a bisbarra uniranse cada sábado no peirao corcubionés para facer sentir a súa voz.

Novas relacionadas

• Asoar traslada aos eurodiputados as demandas do xeito.
• 30-09-14: O peche da sardiña pon contra as cordas ao sector do xeito.
• Alarmante situación a da pesquería do polbo.
• A pesca artesanal responde á Xunta que quere seguir sendo artesanal.

Fonte

• Redacción de QPC ([email protected]).