Advirten do risco das catas mineiras sobre os manantiais da zona
07:15 17/02/16
Unha das zonas afectadas polo permiso de investigación minerira Isabela II. Imaxe:Salvemos Cabana
Salvemos Cabana, unha plataforma ecoloxista en contra da mineiría, acaba de presentar as súas alegacións ao permiso da Xunta sobre o proxecto de investigación mineira Isabela II que ameza aos concellos de Zas, Vimianzo, Santa Comba e Coristanco.
Segundo esta plataforma, o expediente aprobado pola Xunta "presenta carencias significativas que a Consellería de Economía e Industria debería ter en conta antes de dar vía libre ao novo plan de investigación mineira que afecta á Costa da Morte". Unha das principais carencias do proxecto é que aquí non figuran as coordenadas dos lugares onde, supostamente, se desenvolverán os traballos.
Ademais, Salvemos Cabana informa na súa páxina web que o texto non recolle como pode afectar a campaña de sondaxe ás augas subterráneas e acuíferos existentes na zona e que abastecen de auga a lugares como Lamas, Carreira, Bamiro, Treviño,... "Tampouco sepresenta ningún tipo de estudo hidroxeolóxico que descarten tales afectacións" advirten dende a plataforma.
Na mesma liña, segundo indican dende Salvemos Cabana, o do estudo non fai referencia á posibilidade de verteduras tóxicas procedentes do engrase da maquinaria e outras sustancias químicas empregadas durante o proceso de perforación, sen considerar a Lei estatal 22/2011, de residuos e solos contaminados. Tampouco se establece ningunha medida preventiva nin se indica a caracterización química destes aditivos, a súa toxicidade e capacidade de difusión nin que se vai a facer cos lodos resultantes dos labores de sondaxe, que terían que derivarse obrigatoriamente a un xestor de residuos autorizado.
Deste xeito, ésta e outras organizacións ecolóxistas, como Contramínate, advirten do risco que supoñen as catas mineiras para a saúde xa que afectarían aos manantiais de auga. Así, durante a reunión que mantivo o pasado sábado o alcalde de Zas cos veciños e veciñas varios membros de Contramínate presentes aconsellaronlle aos veciños que "non os deixedes entrar nas vosas fincas, porque despois non saen".
Novas relacionadas
- Os concellos de Zas e Vimianzo rexeitan o proxecto mineiro Isabela II
- 11-02-2016: Piden máis información sobre o proxecto mineiro de Isabela II a unha semana do peche do prazo de alegacións
- 05-02-17: BNG e AGE piden a paralización do novo proxecto de minería que ameaza a Costa da Morte.
- 27-01-16: 17 organizacións declaran a alerta social en contra das novas concesións mineiras.
- 22-01-16: Isabela II: a nova mina que ameaza terreos de Coristanco, Santa Comba, Vimianzo e Zas.
- Petón do Lobo presenta sinaturas para tratar sobre os dereitos mineiros de Corcoesto no PXOM de Cabana.
- A Xunta determina a perda definitiva dos dereitos mineiros de Corcoesto por parte de Edgewater
- As batatas, as novas inquilinas dos terreos da fallida mina de ouro de Corcoesto.
- Unha reflexión sobre a loita social bergantiñá na documental Tesouro de Corcoesto.
- 07-01-15: A empresa canadense Edgewater perdeu os dereitos mineiros de Corcoesto (e toda a historia).
- Redacción QPC ([email protected])
- Salvemos Cabana