O BNG, que renovou a súa executiva Comarcal, pide un plan experimental para os mergulladores de Corcubión
O Consello Comarcal do BNG Costa da Morte renovaba esta semana a súa Executiva Comarcal. A distribución de áreas queda do seguinte xeito:
- Xurxo Rodríguez Baña (Camariñas): Responsábel Comarcal e Finanzas.
- Rafael Xoán Mouzo Meizoso (Corcubión): Vice-Responsábel Comsrcal, Comunicación e Organización.
- Pilar Tubío Lariño (Corcubión/Carnota): Acción Feminista.
- Oscar Insua Lema (Corcubión): Acción Municipal.
- Mercedes Díaz Mayán (Carnota): Secretaria.
Mergulladores de Corcubión
O deputado Oscar Insua, que vén de reunirse, acompañado de Lois Lado, cos mergulladores de Corcubión esta semana, manifestou que “non podemos permitir que no peor momento no que se atopa o sector marisqueiro, quede recurso sen extraer por non existir un plan de xestión. Non son tempos de tirar cos cartos. A Xunta está fallando en algo”
Os mergulladores trasladáronlle o interese en extraer a ameixa e o ameixón con subministración de aire dende a lancha, unha medida que xa rexeitou o PP na Comisión de Pesca do Parlamento.
O deputado volveu rexistrar varias iniciativas no Parlamento galego nas que solicita á Xunta de Galiza aprobar un plan de explotación experimental nas zonas marisqueiras da enseada de Corcubión para explotar a ameixa, nas distintas variedades, e o ameixón, empregando o mergullo con subministración de aire dende a embarcación.
