A emisora municipal de Corcubión, prepara xa a I Gala de Premios da radiONeria, para o venres 5 de abril no Salón de Actos da Casa da Cultura de Corcubión.

Será un acto que aglutinará a todas as forzas vivas de Corcubión, reivindicando ademais a necesidade da súa supervivencia, cando xa pasan 3 meses dende que non se pode escoitar a emisora a través das ondas por problemas técnicos e desidia municipal.

Así, ás 21h00 serán os nomeados quen pasen pola alfombra vermella e, uns intres máis tarde, daremos comezo á tan esperada Gala que ademais de premiar aos mellores de cada categoría, estará chea de sorpresas.

Ao finalizar o acto, os gañadores poderán posar no photocall co seus premios para fotografiar o momento. E polo de pronto, xa podedes pasar polo Blog da radiONeria para coñecer aos nomeados.

Novas relacionadas

• Avoa, como nos metemos nunha radio por dentro?.
• A radiONeria une a todo Corcubión.
• Un derroche de emoción no Recital de Manolín.
• As Auroras fan brillar o Camiño dende San Martiño de Ozón.
• Paco Souto escribe a radio .

Fonte e máis información

• Blog da radiONeria.