Os responsables de redactar o PXOM do Concello de Corcubíón, encabezados polo alcalde da vila Francisco Lema, reuníronse hoxe coa secretaria xeral de Ordenación do Territorio e Urbanismo, Encarnación Rivas. Esta xuntanza foi realizada co obxectivo de analizar o Informe Previo á Aprobación Inicial (IPAI) do Plan Xeral de Ordenación Municipal (PXOM).

Un proceso que aínda non remata aquí

Parece ser que despois da xuntanza, os responsables do Concello xa están ao tanto dos trámites que teñen que levar a cabo para a aprobación do mesmo. En resumidas contas, o proceso pasaría pola aprobación do novo planeamento no pleno municipal e a súa exposición pública para a presentación de alegacións. Unha vez que se lle incorporen as alegacións aceptadas e os informes sectoriais necesarios por parte das outras administracións implicadas, o Concello terá que remitilo á Secretaría Xeral de Ordenación do Territorio e Urbanismo para a súa aprobación definitiva.

O Concello leva 8 anos para elaborar o PXOM

Polo de agora, o Concello de Corcubión réxese por unhas normas do ano 1989. E leva máis de 8 anos elaborando no novo planeamento (desde 2004) cunha axuda da Xunta de 70.500 euros.

Fonte

• Gabinete de comunicación da Consellería de Medio Ambiente, Territorio e Infraestruturas.