O libro dos 50 anos do Fútbol da Costa ten novas citas nas comarcas de Bergantiños e Fisterra

O libro dos 50 anos do Fútbol da Costa ten novas citas nas comarcas de Bergantiños e Fisterra

15:36 04/05/15

Presentacion do LIbro dos 50 anos do Futbol da Costa

Esta vindeira semana toca botar unha ollada atrás no mundo do Fútbol da Costa. I é que falamos de moito máis que unha liga de modestos, como recordaron os autores nas primeira presentación do seu libro en Baio. I é que o libro “50 anos da historia do fúbol da Costa (1964-2014)”, así o ratifica.

E Xosé Mª Rei Lema e Chema Rei, tras achegarse esta fin de semana á Feira dos Libros de Compostela, xa teñen armadas novas presentacións para as comarcas de Bergantiños e Fisterra. O venres 8 de maio ás 20:00h, toca cita na Tenda dos Libros de Ponteceso, e o sábado 9 ás 12:00h na Taberna O Ribeiro de Corcubión.

Chema Rei e Lema Suarez levando a historia do Futbol da Costa a Compostela

Dúas citas para coñecer centos de datos e anécdotas destes dous enormes coñecedores do noso fútbol. Parecen interesados na cita os clubes de cada comarca, e esperan que haxa tamén quorum para realizar unha interesante conversa entre míticos de aquí e alá. Por exemplo, en Corcubión esperan contar coa participación dos Manolín, Nito, Jorge Calabanda, Cambeiro, Sieso, Chisco, José Carlos, Manín, Alexandre Nerium, ou o propio Gabriel Riveiro 'Bebeto’. Ademais, as directivas dos clubes da zona, mesmo os finados O Pindo e Pereiriña, parecen con gañas de escoitar as historias míticas do noso deporte favorito.

Onde podes atopar o libro?

Son xa varias as librerías nas que está á venda o libro "50 anos da historia do fútbol da Costa (1964-2014)" e durante os vindeiros días iranse ampliando.

BAIO:
- Librería Artigas (Avda. Vidal Ríos, s/n)
- Librería Torre Penedo (R/ Mestre Platas, s/n).
CARBALLO:
- Librería Brañas (R/ Gran Vía nº 79).
PONTECESO:
- A Tenda dos Libros (Avda de Anllóns nº 2).
SANTIAGO DE COMPOSTELA
- Libraría Couceiro (Praza de Cervantes nº 6)
- Libraría Pedreira (R/ Home Santo nº 55).
VIMIANZO:
- Librería Roget (Praza do Concello nº 2).
ZAS:
- Librería Acuarela (Estrada de Santiago nº 33).
ARTEIXO:
- Libraría Á lus do candil (R/Historiador Verdía).

A obra

Libro 50 anos do Futbol da Costa-Chema Rei e Xose M Lema Suarez 2

Falamos dunha obra que esixiu anos de investigación nas hemerotecas dos xornais. Son 608 páxinas, 481 ilustracións (entre fotos, debuxos etc.) e uns 400 cadros sinópticos. Hai comentarios de cada temporada, pero tamén divertivas anécdotas. O libro comprende moitos máis anos cós 50 oficiais (federados) que se anuncian, pois leva unha novidosa “prehistoria” do fubol (daquela así pronunciado) costeiro das décadas de 1920 e 1930; tamén se contemplan as décadas de “historia antiga” dos anos 40 e 50. ”A Liga da Costa é a máis famosa liga de modestos de Galicia”, aseguran, “pois figura cunha entrada especial (entre a Liga Española e a Liga de Campións) en “Todo sobre o fúbol galego” (Xerais 2012) de Carlos Freire, entre outras publicacións”. Ademais dos trofeos dos vencedores conta con outro simbólico para os pechacancelas de cada temporada: o farol vermello, unha marca propia desta competición desde a 1ª temporada (o CD Baio, que foi quen primeiro o levou, converteuno no motivo principal da súa insignia). Na portada (á dereita), as insignias dos oito equipos fundadores da Liga da Costa (1964). Na contraportada (á esquerda), un extracto do prólogo e fotos de seis dos equipos fundadores da Costa en 1964 (arriba) e outras seis de equipos de temporadas máis recentes (abaixo). No centro, no lombo do libro, un dos históricos farois vermellos da Costa, “reliquia” conservada durante máis de 40 anos por un dos históricos desta liga, Manuel Veloso, que aparece na foto de abaixo coa vestimenta dos anos 50.