Un pracer participar nesta clase de xornadas para compartir a nosa experiencia. Xa estivemos compartíndoa cos membros do Obradoiro de Emprego Comarca de Soneira, e este venres día 6 de febrero, fomos invitados polo Obradoiro de Emprego Camiño do Solpor para un seminario de apoio ao emprendemento nas instalacións do Obradoiro.

Este seminario está dirixido á promoción da cultura emprendedora entre os alumnos e alumnas do Obradoiro de Emprego. Configúrase como unha formación teórico-práctica para o alumnado que poida estar interesado na creación do seu propio posto de traballo

Na primeira parte, Angel Noguerol, Técnico da Cámara de Comercio da Coruña, analizará todo o relativo aos aspectos técnicos e  legais e ao plan de empresa. Na segunda parte, Ubaldo Cerqueiro, do diario dixital Quepasanacosta.com e Rocio Priegue de Viveiros A Granxa contarán a súa experiencia empresarial, achegando así ao alumnado unha visión máis práctica e real do que supón o emprendemento.

En marcha unha web comarcal

Por banda, lembran a aqueles establecementos de hostalería dos Concellos de Cee, Corcubión e Fisterra interesados en publicitarse gratuítamente dentro da páxina web que está elaborando o Obradoiro que deben enviar os datos básicos do establecemento: nome, enderezo, teléfono, e-mail, páxina web e REAT (número de rexistro de establecementos e actividades turísticos) ao correo oecaminodosolpor@gmail.com ou chamar ao 981 745 993 antes do 17 de febreiro.

Novas relacionadas

• Nova fornada de cursos de alimentación, carretillero e mergullo.
• Os alumnos do Obradoiro de Emprego fisterrán soben ás alturas.
• Un obradoiro de Emprego para 20 desempregados permitirá adecentar o Camiño en Cee, Corcubión e Fisterra.
• 22 mozos soneiráns completaron o Obradoiro comarcal de Emprego e Formación.

Fonte

• Nota de prensa de Anabel Piñeiro, responsable do Obradoiro de Emprego Camiño do Solpor.