3 ANPAS da bisbarra reciben axudas para facer campañas de sensibilización contra a violencia de xénero

Imaxe dunha acción no Colexio de Muros polo 25N do ano pasado

13:50 17/10/19

VariasAsociacións de Pais e Nais da Costa da Morte veñen de recibir a concesión das axudas Secretaría Xeral de Igualdade para levar a cabo actividades de promoción da igualdade e de prevención e loita contra a violencia de xénero. As Anpas de centros educativos de Fisterra, Zas, Carballo, Camariñas poderán desenvolver os seus proxectos.

Entre as actuacións subvencionables inclúense escolas de pais e nais que aborden temas de igualdade, de educación afectivo-sexual e sobre violencia de xénero; a elaboración de materiais informativos para nais e pais que lles axuden a detectar estes casos; a realización de accións de formación, sensibilización e difusión contra a cosificación do corpo das mulleres e contra a hipersexualización das nenas; a formación para pais e nais ou mozos e mozas sobre o uso adecuado e crítico das novas tecnoloxías, sobre todo no que se refire á protección da privacidade e os ciberdelitos; accións de formación coas familias e o alumnado sobre novas masculinidades ou micromachismos; e outras accións que sensibilicen sobre os estereotipos e que dean a coñecer as pautas para previr a violencia de xénero o os protocolos existentes en casos de agresións.

NOME DA ANPA	NOME DO CENTRO EDUCATIVO	CONCELLO	NOME DO PROGRAMA PROPOSTO	IMPORTE SOLICITADO E CONCEDIDO
FEDERACIÓN PROVINCIAL DE ANPAS DA CORUÑA-COSTA DA MORTE	IES FIN DO CAMIÑO IES MAXIMINO ROMERO	FISTERRA ZAS	Conciencia igualdade 2019	7.000,00 €
ANPA PEDRAS BRANCAS CEIP FOGAR	CEIP FOGAR	CARBALLO	Rachando mitos	4.000,00 €
ANPA CAMPO DA AREA CEIP CAMELLE	CEIP CAMELLE	CAMARIÑAS	Escola de Camelle en igualdade	3.448,50 €