Venres. 07.10.2022
El tiempo

A Autovía da Costa da Morte non estará rematada no 2013

A Autovía da Costa da Morte non estará rematada no 2013
O Conselleiro nunha vista a zona da VAC de Cee-Sardiñeiro

O Conselleiro Agustín Hernández vén de recoñecer que a Autovía da Costa da non cumprirá os prazos prometidos, e non estará lista no 2013. Algo sorprendente ver que un político recoñeza en campaña electoral un retraso nos prazos, pero a realidade é que o financiamento da empresa adxudicataria segue a ser o problema dos retrasos.

Recoñece pois finalmente que as obras están efectivamente paralizadas e desdí o que aseguraba o pasado mes de abril cando ratifacaba o prazo.

O proxecto do treito Carballo-Berdoias está no 17.5% de execución.

O BNG denuncia as "mentiras" do goberno

Se ben mañá venres hai convocada unha Xuntanza de alcaldes da Costa da Morte para analizar a parálise das obras da Autovía, hoxe o BNG fai patente o seu descontento. Descontento ante as "mentiras do Conselleiro Hernández", que denunciaba que era o BNG quen mentía cando denunciaba a paralización das obras, logo ratificaba os seus prazos e finalmente recoñecía que hai un problema de financiamento que posiblemente non permitirá que a obra se remate no 2013, como estaba estipulado.

Quere o BNG denunciar as "mentiras" do goberno, e lamenta que o argumento en contra sexa o de "non sacar rédito político".

Novas relacionadas

Máis novas

Fonte

comentarios