A Autovía e o Tren das 3C son as infraestruturas máis necesarias para a Costa da Morte
Esa foi a pregunta que lanzamos na nosa serie de enquisas a través da páxina de Facebook de Que pasa na Costa. E as respostas, polo de agora (segue aberta) foron bastante claras.
A Autovía é a infraestrutura máis demandada por case que a metade dos votantes. Unha autovía que vén de ser adxudicada dun xeito máis que polémico pola Xunta e que será unha realidade no verán do 2013.
A que non será nunca unha realidade será a segunda das infraestruturas máis votadas: O Tren das 3C, que uniría Coruña-Carballo-Corcubión. Máis de 50 das 200 persoas que votaron aposta polo ferrocarril, unha proposta que voltaba ao parlamento o pasado mes de febreiro sen demasiado éxito.
Con menos votos atopamos outras importantes infraestruturas tan diferentes como necesarias. Unha liña de internet decente, o Porto de Brens ou a demandada ITV son tamén peticións dos nosos lectores.
Non quedan aí as propostas. Lemos que a sinalización do patrimonio sería fundamental para o desenvolvemento do sector turístico; un servizo decente de transporte público (algo polo que tanto temos loitado en QPC) ou unha Lonxa comarcal de peixe.
Tamén temos outras como a base do Helicóptero de Salvamento de Lires e algunha máis escética como "sentido común".
Máis enquisas
Estean atentos ao noso Facebook porque esta mesma tarde noite voltaremos coas enquisas de orde electoral... Que alcalde vos pareceu peor nestes 4 anos de lexislatura? e o mellor?
Novas relacionadas
- Adxudicación polémica da VAC e asfaltado de varias estradas de Vimianzo e Ponteceso.
- O Tren 3C A Coruña-Carballo-Corcubión volve á palestra.
- A Costa da Morte sabe manifestarse.
- APTCM constata que a perda de investivementos na Costa por falta de unidade no sector.
- Novas protestas dende o sector polo novo seguro do mar e pola Lonxa Comarcal.
- QPC cos autobuses.
- Fomento recupera a base de Salvamento de Lires que rechazou a Xunta .
Fonte
- Redacción de QPC ([email protected]).
