Xa leva tempo o mundo da pesca artesanal berrando ante a incongruencia que supón devolver cantidade de peixe morto ao mar para non exceder ás cotas. Pero ese peixe, que non vale para comercializar (polo tanto non ten valor económico para o patrón), e no mar só contamina, pode ter un prezado valor para a axuda humanitaria.

Déborah Morate, Directora Cáritas de Camariñas, cóntanos a sorpresa que recibiron na entidade no día de onte, da man dun patrón comprometido, que fixo unha gran doazón para axudar ás familias máis desfavorecidas:

Xoves 17 de outubro, a primeira hora da mañá Cáritas Parroquial de Camariñas recibe unha inesperada chamada: Un barco que se atopa no porto de Camariñas decidiu doar para Cáritas, as máis de 140 caixas que trae de "Chincho" (jurelo pequeno), ante a dificultade que teñen para vendelas.

O traballo dos voluntarios comeza a toda máquina, contactando coas Cáritas e comedores sociais da zona para poder repartir os máis dos 2.000 quilos de peixe doado.

O Barco "TITAN Segundo" de Portosín decidiu poñer un punto e separadamente ao costume de tirar ao mar o peixe que non se vende, doándoo para as persoas máis necesitadas, nestes momentos tan complicados dunha crise que xa dura moito tempo. E na que a escaseza de recursos para moitas familias, pola falta de traballo, vese agravada polo agotamiento das axudas e prestaciones.

Logo de máis de dez horas de moito traballo, os voluntarios de Cáritas de Camariñas conseguiron distribuír a maioría do peixe, non só entre as familias máis necesitadas de todo o concello, senón de toda a comarca. Repartindo quilos e quilos de peixe para Cáritas de Cee e o seu Comedor Social, Cáritas de Carballo e a súa Cociña para as familias, e para os comedores da asociación Aspadex de Cee e a asociación Apem de Cee...

Grazas a todos os que fixeron posible esta gran acción, porque lle fixeron a vida un poquito máis fácil a moitas familias.

Novas relacionadas

• 20 familias sen recursos de Malpica xa reciben axuda da Fundación de amigos de Galicia.
• Cáritas poderá seguir atendendo a 150 familias na bisbarra.
• Ondada de desafiuzamentos en Cee.
• Asoar-Armega participa na Campaña pola pesca sostible de Greenpeace.
• Un berro pola pesca artesanal.

Fonte

• Redacción de QPC ([email protected]).