Na xornada de onte tivo lugar a clausura da segunda fase do obradoiro de emprego “Escola de Vela da Costa da Morte”, na que entregou os títulos acreditativos aos 30 alumnos, que participaron nel.
A delegada territorial da Xunta na Coruña, Belén do Campo, acompañado polo alcalde de Cabana de Bergantiños, José Muíño, presidiu hoxe no no local social do lugar de Neaño a clausura

A Consellería de Traballo e Benestar destinou 649.197 euros a este programa, que ten por obxectivo garantir a inserción no mercado laboral a través da formación do maior número posible de participantes, que se atopaban en situación de desemprego antes de comezar a actividade.

No obradoiro “Escola de vela da Costa da Morte”, promovido polo concello, as persoas desempregadas que se beneficiaron del obtiveron novos coñecementos nas especialidades de albanelería e carpintería, que puxeron en práctica coa realización de traballos de rehabilitación do antigo serradoiro da ribeira do Anllóns para a súa transformación en escola de vela para toda a comarca e no inicio da reforma de tres edificios para destinalos albergue xuvenil.

Os beneficiarios do proxecto foron contratados por un período de 12 meses baixo a modalidade de contrato de formación, cunha retribución mensual de 950 euros.

Novas relacionadas

• Os pequenos regatistas de Cee e Corcubión xa soben ao podio.
• A ornitoloxía, un potencial produto turístico máis para a Costa da Morte.
• O Parlamento Europeo degusta berberechos do Anllóns.
• O Proxecto Berberecho, unha aposta pola diferenciación.

Fonte

• Nota de prensa da Xunta.