Venres. 25.09.2020
El tiempo

Aantena expande o patrimonio inmaterial dos Naufraxios pola Costa da Morte

Imaxe dunha representación da Noite de Naufraxios no Cemiterio dos Ingleses
Imaxe dunha representación da Noite de Naufraxios no Cemiterio dos Ingleses
Aantena expande o patrimonio inmaterial dos Naufraxios pola Costa da Morte

A Praia de Traba (Laxe), a Punta da Barca (Muxía), a Praia de Razo (Carballo), a Ermida de San Hadrián (Malpica) o Cemiterio dos Ingleses (Camariñas) e a Praia de Lobeiras (Arou) convertiranse en perfectos escenarios, e mesmo protagonistas, da nova proposta teatral do grupo Aantena. Bernardino Martínez e Xosé Leis propoñen unha serie de accións teatrais en espazos simbólicos coma estes para poñer en valor o patrimonio inmaterial dos Naufraxios da Costa da Morte.

Este xoves 13 de agosto, ás 23:00h, comeza en Traba este espectáculo multidisciplinar que pretende dinamizar turisticamente a zona e xenerar un novo xeito de redescubrir e honrar a nosa historia. Un espectáculo creado por autores galegos, interpretado por elenco galego e integramente en galego. Así ademais do camariñán e o herculino (produtor e director), o elenco está formado por Alicia Baña, Andrea Rodríguez e Antonio de Valdivieso, acompañado pola música de Klaus Martínez.

A iniciativa, acollida dentro do Fondo de proxectos Culturais Xacobeo 21 da Consellería de Cultura e Turismo, conta co apoio dos concellos de Carballo, Laxe, Camariñas e Muxía, e servirá para recuperar as historias dos propios barcos afundidos neses mesmos lugares.

Son actividades de balde, pero ante a situación do covid-19 as medidas tomadas son: Anotarse obrigatoriamente na web: Aantena. Ademais será obrigatorio o uso de máscara o público estará sentado en cadeiras e coa distancia de seguridade. As prazas son limitadas a 100 persoas por lugar e a inscrición peche un día antes de cada función.

De Traba pasarán polo Trece o venres 14, pola Barca o sábado 15, por Arou o domingo 16; e a vindeira semana o 21 estarán na Ermida de Santo Hadrián e o 22 en Razo.

Naufraxios Costa da Morte prrgrama 2020

Novas relacionadas

comentarios