Ana Pontón foi recibida no mitin de Carballo como a gañadora do debate A candidata á Presidencia da Xunta polo BNG - Ana Pontón - ofreceu onte un mitin en Carballo no propuxo a realización dun segundo debate na CRTVG porque os e as electoras teñen dereito a contrastar as proposta de goberno que presentan cada forza política sobre os moitos temas que quedaron pendentes. “Os debates non poden ser postestade dos partidos senón un dereito da cidadanía para contrastar propostas de programa antes de ir votar”, salientou, tras ser recibida no mitin de Carballo como “a gañadora” do debate celebrado na noite do pasado luns. O BNG demostrou, dixo, “que temos empuxe e confianza para sacar adiante aos galegos e as galegas nun momento que soportan graves problemas de paro, precariedade, desigualdade”. Carballo como exemplo Tras a interveción do rexedor carballés, Evencio Ferreiro, Pontón proclamou que Carballo “é o exemplo de que é posible abrir un tempo novo en Galiza confiando nas nosas propias forzas, porque iso foi exactamente o que se fixo neste concello da man do BNG, cos resultados que están á vista en materia de urbanismo e recuperación de espazos urbanos, de revitalización do comercio local, de dinamismo social e cunha axenda cultura que sorprende”. “Cando falamos de abrir un tempo novo, dun cambio real a partir do 25S, o Bloque poder presentar o aval do traballo feito en ducias de concellos por todo o país, como Pontevedra, Allariz ou como Carballo”, porque un país non se construé “a base de slogans, senón con feitos, e o BNG xa demostrou que é capaz de mellorar a vida das persoas”, recalcou. Traballadores e traballadoras autónomas Pontón explicou no mitin as propostas de goberno para os traballadores e traballadoras autónomas, que na comunidade suman 217.000 persoas e representan o 22,3% do total de afiliación á Seguridade Social.  "O BNG quere abrir unha nova etapa desde o Goberno galego para mellora as condicións destas persoas para acceder ao crédito, para que teñan financimanto para os seus negocios, pero tamén para que teñan un tratamento fiscal e unha cobertura social xusta”, salientou Pontón. En concreto, o BNG propón unha liña de crédito a xuros cero destinada a financiar a instalación e mantemento dunha actividade autónoma durante un período de tres anos para facilitar a súa viabiliadade. Igualmente, para financiar investimentos innovadores e de modernización dos negocios e, tamén sería financiables con cargo a esa liña de créditos a custe cero as actividades como autónomos no sectores máis golpeados pola crise e as persoas autónomas que se atopan na último treito da súa vida laboral. A candidata tamén incidiu na fiscalidade dos autónomos. Neste sentido, o BNG reclama a xestión íntegra dos impostos que se pagan en Galiza, pero mentres se manteña o marco actual reclama do Estado corrixa a normativa actual. Así, propón que a tarifa plana de 50 euros mensuais durante seís meses se extenda ata os dous anos e, ademais, que queden exentos de tributación cando no acaden o SMI, e acabar co dislate de que teñan que cotizar por ingresos que non se teñen realizado. Outra proposta que o Bloque defenderá desde o Goberno da Xunta é que as traballadoras autónomas queden exentas de tributar as cotas da Seguridade Social mentres estean de baixa por maternidade. Novas relacionadas

• Ana Pontón utiliza o modelo laboral de Carballo na campaña
• Ana Pontón defende declarar o Monte Pindo como Parque Natural
• Ana Pontón visita Carballo tralas inundacións
• Ana Pontón, a nova portavoz do BNG, visita Fisterra

Fonte

• Redacción QPC (info@quepasanacosta.com)
• BNG