Mércores. 19.06.2024
El tiempo

APTCM busca financiamento na Deputación

Reunion de APCTM coa Deputacion
APTCM busca financiamento na Deputación

Membros da directiva da Asociación de Profesionais do Turismo da Costa da Morte mantiveron o pasado mércores unha reunión co Vicepresidente de Deputación da Coruña e Deputado da área de Turismo Xosé Regueira.

O obxectivo da xuntanza mantida foi a de buscar liñas de colaboración entre os profesionais do Turismo da Costa da Morte membros de APTCM e dita administración para seguir avanzando na promoción do Xeodestino.

Entre os temas tratados sitúanse os da promoción do territorio en relación coa busca de apoio da Deputación a través do departamento de Turismo.
Xosé Regueira informou os membros da Directiva das diferentes liñas de financiación que ten a Deputación no relativo a promoción turística así como das diferentes vías de colaboración directa entre a asociación e o departamento que dirixe o Deputado. 

A curto prazo a Deputación se comprometeu á impresión de material gráfico promocional tales como de mapas promocionais do Xeodestíno, impresión de carteis promocionais... que estarán a disposición das oficinas de turismo do territorio, concellos, socios de APTCM... 

No relativo a proxectos a medio e longo prazo, Xosé Regueira informou os membros da Directiva da posibilidade de concorrer a presentación de proxectos nas liñas de subvencións públicas do seu departamento. Liñas estas de grande interese para os obxectivos que persigue APTCM tales como a apertura de oficinas de turismo en lugares de carácter patrimoniais que se encontran dentro do propio territorio.
Neste senso vaise empezar a traballar e estar en continuo contacto cos/as técnicos/as do departamento de turismo da Deputación de A Coruña.
 

Comentarios