Axenda para esta solleira fin de semana na #CostadaMorte: aquí as propostas!
A primeira fin de semana de xuño preséntase solleira e cálida, o que anima a gozar das propostas culturais e de lecer da Costa da Morte, e que vos detallamos máis abaixo.
ARTE DE METEOGALICIA: TEMPO SOLLEIRO E CÁLIDO
Meteogalicia avísanos que o venres Galicia manterase na influencia das altas presións, con aire cálido africano en superficie que deixará altas temperaturas tanto polo día como pola noite. Así, agárdanse ceos despexados en toda a Comunidade, con formación de nubes de evolución pola tarde en zonas altas do interior que poderían dar lugar a algún amago treboento. O sábado, estaremos nunha situación intermedia entre altas e baixas presións. Polo tanto, os ceos estarán pouco anubrados ou despexados con nubes de tipo alto que non impedirán o paso do sol. Xa o domingo, Galicia quedará nesta xornada nunha situación intermedia entre altas e baixas presións. Deste xeito os ceos estarán parcialmente anubrados, aínda que con nubes medias e altas que non deberían impedir o paso do sol; nas últimas horas da tarde entrarán néboas e nubes baixas polo litoral.
Venres 31 de maio
-Concerto folk De Nnghures en Carballo.
-Fin de semana de teatro en Dumbría.
Sábado 1 de xuño
-Festas da Pereiriña, en Cee.
-Festas do Anxo da Garda de Coiro, Mazaricos.
-Inauguración do Ambigú no Casino de Carballo
Domingo 2 de xuño
-Ao Son do Rural en Baio.
-Andaina da Asociación Virxe do Carme por Airiño.
EXPOSICIÓNS
- As Torres do Allo, en Zas, abren todos os sábados, domingos e festivos en horario de 11:00 a 19:00 horas. A programación habitual: – Visitas Guiadas: ás 13h e 17h. Permitirán coñecer o conxunto etnográfico que inaugurou unha tipoloxía edilicia en Galicia. – O Xogo de Pistas “Os secretos Ocultos nas Torres: deforma continuada durante o horario de apertura (sen necesidade de reserva previa).
- Castelo de Vimianzo. A fortaleza así como a súa mostra de artesanía ao vivo pódese visitar martes a domingo de 10:30 a 14 e de 16 a 19 horas.
- Conxunto etnográfico do Mosquetín. O conxunto de muíños e batáns do Mosquetín abre as súas portas todos os días da semana dende as 11 horas ata ás 18 horas. Os sábados e os domingos hai visita guiada ás 13 e ás 18 horas.
- No dolmen de Dombate ofrécense visitas guiadas, en temporada baixa, de venres a domingo de 10:30 a 14:00h e de 16:00 a 18:30. En temporada alta (Semana Santa, e do 1 de xullo a 16 de setembro), visitas guiadas todos os días.
- A Tenda Turística Stoupa acolle a exposición "Mar de Crebas".
