Non hai nin dúas semanas que a Plataforma en Defensa de Corcoesto denunciaba o intento da empresa mineira de mercar a prezos de saldo os montes de Corcoesto. Hoxe vai máis alá, e dende o Colectivo denuncian que a "empresa mineira de Corcoesto de acosar aos propietarios dos montes e pretende enganalos para lograr solo urbanizable de uso industrial a prezo de ganga".

A Plataforma acusa á empresa de "enganar aos veciños indicándolle que a mina xa está autorizada pola Xunta de Galicia e que se non venden o seu monte agora, despois van cobrar moito menos". Ademais, indican que "os contratos que presentan aos propietarios contemplan o pago do 10% á firma do mesmo e o resto a prazo de máis dun ano".

"Prezos de ganga"

Desde a plataforma destacan que a empresa mineira está “facendo un esforzo por obter de balde o monte de Corcoesto pagando 600 euros por ferrado” e sinalan que "ninguén vende os seus montes a ese prezo posto que xa vale máis a madeira".

Recordan ademais que como consecuencia do paso dunha liña eléctrica os propietarios dos montes recibiron 1.584 euros ferrado unicamente polo dereito do voo, mantendo a propiedade do monte, e no caso de autorizarse o proxecto mineiro o valor do monte de Corcoesto sería aínda moi superior a este.

Solo rústico

Por outra banda o monte de Corcoesto é solo rústico de protección forestal que, segundo a Paltaforma, "é incompatible coas actividades mineiras extractivas, e no caso de que se autorice o proxecto mineiro ese solo perde esa protección e por tanto equivale a solo urbanizable de uso industrial, que ten un prezo que dista moito do prezo ridículo ofertado pola empresa".

Local Social

Para tratar estes temas do interese dos veciños, a Plataforma vén de solicitar novamente ao Alcalde de Cabana o local social de Corcoesto e confía en que nesta ocasión poida dispor de acceso ao mesmo, tras serlle denegado en varias ocasións.

Recunchos da Costa

• Corcoesto.

Novas relacionadas

• 13-11-12: A Plataforma en defensa de Corcoesto convida á empresa Mineira a un debate público.
• 09-11-12: Denuncian o intento da empresa mineira de mercar a prezos de saldo os montes de Corcoesto.
• A loita contra a mina de Corcoesto recibe o apoio de Greenpeace e se solidariza con México.
• Apoios televisivos contra a mina de Corcoesto.
• 11-10-12: A apertura da mina de Corcoesto retrásase ata o verán do 2013.
• Veciños de Corcoesto trasladan á Xunta o seu malestar ante o perigo da mina.
• A loita por Corcoesto amplíase ao eido arqueolóxico.
• A Fiscalía xa investiga a mina de Corcoesto por un presunto delito contra o medio ambiente.
• A mina de ouro: unha mostra de resistencia organizada.
• A loita contra a mina de Corcoesto colle tintes poéticos.
• Xurxo Borrazás tamén di non á Mina de Corcoesto.
• O BNG pide que a mina de Corcoesto non sexa a ceo aberto.
• Ata Galeano denuncia que a Mina de Corcoesto non cumpre a lei.
• O Goberno argumenta no Parlamento que a mina de Corcoesto creará 500 postos de traballo.
• ADEGA considera obsoleta a tecnoloxía da Mina de Ouro de Corcoesto.
• A febre do ouro exténdese a Zas mentres denuncian irregularidades no proxecto de Corcoesto.
• Os fumigadores si andan pola Costa.
• 1.300 sinaturas presentadas contra a Mina de Ouro de Corcoesto.
• A mina de Corcoesto chega ao Parlamento.
• Os veciños da Plataforma de Corcoesto denuncia prácticas intimidatorias do alcalde cabanés.
• Denuncian as falsas expectativas de emprego da mina de ouro de Corcoesto.
• A mentira das palabras máxicas .
• 04-05-12: Creada unha Plataforma contra a Mina de Ouro de Corcoesto.
• 12-03-12: Accidente laboral na mina de ouro Corcoesto.
• ADEGA espera para valorar o impacto da Mina de ouro de Corcoesto e enfróntase con La Voz.
• A mina de ouro de Corcoesto axiliza a súa posta en marcha co apoio das administracións e oposición dos ecoloxistas.
• O ouro de Corcoesto non brilla tanto.

Máis novas

• A bitácora da semana (CLXXXIV): Salvemos Cabana.
• A bitácora da semana (CLXXXV): Non á mina.

Fonte

• Nota de prensa da Plataforma en Defensa de Corcoesto.