Venres. 30.09.2022
El tiempo

Europa comprométese a estudar as denuncias contra a marea eólica en Galicia

EólicosAsíNon_FaniAlonso (42)
Adega e o BNG no Parlamento Europeo con Eolicos Así Non. Fotos de Fani Alonso
Europa comprométese a estudar as denuncias contra a marea eólica en Galicia

Que pensarán en Bruxelas cando en Galicia son os colectivos ecoloxistas os que levan manifestos anti-enerxía eólica ao Parlamento Europeo. Foi ADEGA, invitada polo BNG a que levou o “desenvolvemento caótico e insustentábel da enerxía eólica” no noso país.

A expedición galega (comandada por Ana Miranda (BNG), Fins Eirexas e Belén Rodríguez (ADEGA)) trasladou ao Xefe da unidade de Conservación da Natureza da Dirección Xeral de Medio Ambiente da Comisión Europea, Nicola Notaro, e o seu equipo legal, dúas denuncias e un completo informe xurídico sobre a evolución do desenvolvemento da enerxía eólica en Galicia.

Notaro comprometeuse a estudar a fondo as denuncias presentadas así como abrir un diálogo co goberno español ao respecto, sobre o que darán conta previsiblemente en outono.

A través das mobilizacións da Coordinadora Eólica Así Non, trataron de trasladar a inquedanza veciñal fronte ao actual modelo de enerxías renovables, pedindo un “cambio radical do modelo enerxético que rache coa situación de espolio, depredación ambiental e de abuso social que Galiza sufriu historicamente e revive na actualidade co gallo da actual vaga eólica”. “A Comisión Europea non pode eludir que a actual exurrada eólica imposta pola Xunta e o Estado está a incumprir o dereito comunitario”, asegurou Belén Rodríguez.

EólicosAsíNon_FaniAlonso (46)
Adega presentou un completo informe

Incumprimentos

Entre as denuncias, sinalaron que a Directiva de Avaliación Ambiental Estratéxica 2001/42/CE está obsoleto; que o novo impulso eólico pode afectar hábitats e aves, incumprindo normativas europeas, cinluso a do Marco da Auga, xa que “boa parte das instalacións eólicas se proxectan sobre brañas, turbeiras, lagoas, matogueiras higrófilas ou nacentes de ríos e regatos que provocarán a fragmentación, alteración e desecación destes hábitats así como a aparición de procesos erosivos”.

Paraleamente ADEGA tamén denuncia que os procesos de posta en marcha dos proxectos eólicos tamén incumpre as directivas europeas en materia de participación pública.

EólicosAsíNon_FaniAlonso-Oscar Insua
O corcubionés Oscar Insua formou parte da expedición como membro do BNG.Foto: Fani Alonso

TODAS AS NOVAS SOBRE OS PROXECTOS EÓLICOS

comentarios