Comeza unha nova semana este luns 25 de maio, e queremos seguir mantendo o pulso da actualidade co novo formato de entrevistas e faladoiros en crú, a través de Zoom, en directo a través da páxina de Facebook Que pasa na Costa (e posteriormente subidos ao Youtube e ao diario).

Este luns arrincaremos en clave deportiva, dende Dumbría, con César Ferrío, porque a actualidade manda e temos que falar de Fútbol, de Volei, e tamén de ciclismo.

O martes volveremos a Dumbría para tratar outros asuntos de materia máis económica, da man do alcalde, José Manuel Pequeño, nesta rolda de alcaldes e alcaldesas que trata de ollar ao futuro, vendo como os concellos poden axudar a paliar a crise.

O mércores teremos doble cita. Ás 15:00h pecharemos as sesións arredor do Proxecto Educativo en tempos de crise do IES Maximino Romero de Lema cun novo Faladoiro sobre Orientación Universitaria da man de vari@s ex alumn@s.
Pero ademais, ás 20:00h, teremos faladoiro futboleiro para coñecer que decide a RFGF sobre os ascensos. Falaremos con varios dos equipos implicados en ascensos e promocións. Unha cita que se podería trasladar ao xoves se o Comité de Competición non resolve o asunto ata xoves.

O xoves viaxaremos ata Muros para falar coa alcaldesa Inés Monteagudo.

E o venres volve Paula Castiñeira con Patricia Vaquero e un faladoiro en materia de igualdade con varias representantes dos colectivos feministas da Costa da Morte.

Rolda de alcaldes e alcaldesas nos DirectosQPC

• Alcalde de Mazaricos: “Non entendo que activen os prazos dos parques eólicos en estado de alarma se non podemos informar aos veciños”.
• Mónica Rodríguez nos #DirectosQPC: “Toca escoitar, analizar e despois facer propostas para reactivar a economía”.
• A alcaldesa Sandra Insua debulla a actualidade de Camariñas nos #DirectosQPC.
• David Barbeira: "Imos ir máis alá de dar 1.000€ aos autónomos. Iso vale moito pero non é suficiente”.

Outros DirectosQPC

• O "contedor cultural" de Baio celebrou a súa Semana Cultural nos #DirectosQPC.
• Patricia Vaquero pon en valor a análise da crise co coronavirus dende a perspectiva de xénero nos #DirectosQPC.
• Falando de orientación universitario coa comunidade educativa de Baio.
• Baio celebra na rede a súa Festa dos 100 anos.
• Noelia Siaba cóntanos como se vive a pandemia en NYC.
• Alicia Barreiro e Silvia Penide unen os sectores sanitario e cultural para lanzar unha mensaxe de esperanza.