O grupo costeiro Galiza Celta de Delémont inaugurou o 12 Slow Up en Jura
Ao redor de 23.000 deportistas e afeccionados percorreron o val suízo de Delémont con motivo do 12 Slow Up Aglo´balade. Claude Héche, exconsejero de estado, é o presidente desta organización e a alacantina María Piñol é a coordinadora do evento. Un traxecto sinxelo e convincente de 30 km de estrada por unha rexión atractiva onde se produce o peche, durante un día, do tráfico motorizado.
Ademais, nun ambiente sen contaminación e tranquilo, as familias, os mozos e maiores, os nenos… poden gozar con seguridade e calma dunha contorna deportiva e dunha serie de actuacións e actividades organizadas polo concello e a propia organización do Slow Up.
O primeiro Slow Up en Suíza realizouse no ano 2000 ao redor do lago Murten como parte do proxecto “Human Powered Mobility” da Expo 02. Esta exitosa idea converteuse nun evento nacional e algunhas destas celebracións alcanzaron a participación de máis de 50.0000 persoas.
Desde o ano 2016 o grupo galego de Delémont Galiza Celta achega os ritmos máis tradicionais do panorama folclórico galego con gran aceptación por parte dos asistentes. Nesta ocasión foron os encargados de pór música ás 9:00 da mañá co pistoletazo de saída e máis tarde ofreceu un amplo repertorio na praza do Castelo.
O grupo, que xa amenizou o 50 aniversario do Centro Español de Saint Maurice, está formado por xentes da Costa da Morte.
Por iso, enviamos dende aquí un saúdo enorme a Manuel e Victor de Camariñas; a Yolanda de Carnés, Ricardo de Santa Comba, Teresa de Carreira, Alfonso de San Fins do Castro, José Raúl de A Toxa (Vimianzo), Lola de Vimianzo, Damián de Vimianzo e Raquel de Canduas, ademais de a Rebeca de Ordes María de Malvas (Tui).
