Na Costa xa sabemos o que é chegar á final. De feito, temos aos primeiros gañadores da historia Certame pola banda de Laxe, e temos finalistas habituais por Cee. De aí que traiamos con ilusión a nova convocatoria deste VI Concurso “Quero Cantar” de música infantil e xuvenil que lanza a Deputación da Coruña.

Pode participar calquera grupo ou solista que presente a maqueta dunha canción en galego, con letra e música orixinais e inéditas, que non fosen publicamente difundidas antes por ningún tipo de soporte nin canle.

Hai dúas categorías

• Categoría A (Infantil), ata 12 anos
• Categoría B (Xuvenil), de 13 a 16 anos

E hai varios premios, dende a gravación da maqueta en estudio profesional e a gravación dun videoclip, a un premio de 1.500 euros en material musical ou produtos culturais en galego.

 

 

Inscrición

O prazo de presentación de maquetas rematará o 15 de marzo de 2023

As solicitudes presentaranse de xeito telemático na sede electrónica da Deputación da Coruña, a través da plataforma de tramitación electrónica da Deputación (SUBTEL). As bases están publicadas no BOP do 14 de decembro e pódense consultar e descargar na web www.querocantar.gal e tamén na seguinte ligazón: https://bit.ly/3FXATI6.

Novas relacionadas

• 2018: Laxe e Fisterra Queren Cantar.
• 2017: O Manuela Rial, á final do concurso Quero Cantar.
• 2016: Colaxe gaña a primeira edición do concurso de música infantil Quero Cantar.