Nova proposta dende a iniciativa Mar Galaica do GAC 4: Obradoiros Gastronómicos Mariñeiros para que os hostaleiros da bisbarra e os turistas e veciños poidan coñecer de primeira man as propostas para a mesa de varios restaurantes referencia. Os obradoiros foron presentados no restaurante O Centolo de Fisterra a pasada tarde martes, servindo así para abrir a nova temporada gastronómica con sabor a mar.

Os catro Obradoiros Gastronómicos Mariñeiros, desenvolveranse durante os vindeiros 4 venres e durarán unha hora cada un. O turista poderá combinar a selección de peixes e mariscos en lonxas ou cetáreas e de algas nas praias e rochas para despois preparalas co cociñeiro ou cociñeira do restaurante onde elexiu facer o obradoiro e, finalmente, degustar os pratos preparados en compaña dos compañeiros de obradoiro.

O denominador común a todos os obradoiros gastronómicos son os peixes e mariscos das lonxas do territorio xa que o obxectivo das xornadas é a promoción da gastronomía do mar e da pesca artesanal e sostible.

Programa de Obradoiros

A relación de obradoiros gastronómicos mariñeiros é a seguinte:

• Venres 11 de novembro, no Restaurante Casa Pila, Lira: O pulpo de Lira na cociña de Casa Pila.
• Venres 18 de novembro no Restaurante O Centolo, Fisterra: Menú mariñeiro na cociña de O Centolo Fisterra.
• Venres 25 de novembro, no Restaurante Casa da Crega, Carnota: Algas con Pindo Mariño e cociña na Casa da Crega.
• Venres 2 de decembro, na Pensión Restaurante Casa Peto Outes: Os moluscos na cociña de Casa Peto Outes.

Continúan os Menús Gastronómicos "Cómete o Mar"

Entre mentres, a campaña Cómete o Mar continúa coa súa segunda edicion e nela participan 17 restaurantes da franxa costeira comprendida entre Fisterra e Porto do Son con menús comprendidos entre os 25 e os 35 Euros. Estes menús estarán dispoñibles todos os fins de semana comprendidos entre o sábado 28 de outubro, inicio oficial das xornadas, e o domingo 4 de decembro.

Máis información

• www.margalaica.net.

Novas relacionadas

• II Xornadas Cómete o Mar 2011: O sur da Costa da Morte volve comerse o mar.
• I Xornadas Cómete o Mar 2010: As cocochas de bacallau e berberechos do corcubionés Rafa Fuentes foron as vencedoras do concurso Cómete o mar.
• I Xornadas Cómete o Mar 2010: A Costa sabe degustar o seu mar.
• I Xornadas Cómete o Mar 2010: As xornadas ‘Cómete o Mar’ contrarrestan a meteoroloxía coa “mellor despensa que ten Galicia”.

Máis novas

• A escaseza non impediu que Pan de Raposo xuntase máis de 100 cogumelos nas Xornadas Micolóxicas.
• Turismo de granxa: Da importancia de diversificar a nosa economía.
• O Porco Celta loita contra o fraude da man da Slow Food.
• Un outono sabroso en Vimianzo.
• O Parlamento Europeo degusta berberechos do Anllóns.
• A Pataca Fina de Carballo vaise cocendo a lume lento.
• A Raínha Lupa revive cun Mercado Ecolóxico en Quilmas.
• Achegando o sabor do mar ao interior.
• Entrevista con Manuel Gago: “O litoral da Costa ten propiedades hipnóticas”.
• A denominación de orixe da Costa da Morte triunfa no Forum Gastronomic de Girona.
• O Proxecto Berberecho, unha aposta pola diferenciación.

Fonte

• Redacción de QPC ([email protected]).
• Nota de prensa do GAC 4.