Neste mes de maio e pola conmemoración do Día das Letras Galegas e o Día de Internet, a Asociación de Medios en Galego (mediosengalego.gal), a provedora de servizos dinahosting e PuntoGal unen esforzos para apoiar o uso do galego na rede a través da iniciativa “Subscríbete ao galego”. 

E como non podía ser doutro xeito, o diario QPC, socio fundador da entidade, apoia esta campaña.

Dende o 17 de maio e ata o 31, as persoas que se subscriban a algún dos medios en galego participantes na campaña recibirán un dominio .GAL e un hosting totalmente de balde e durante o período dun ano. Este agasallo está valorado en máis de 170€.

Os usuarios beneficiarios recibirán os seus códigos para obter ata o 30 de xuño o seu hosting e dominio gratis.

Os medios con subscrición que participan nesta campaña son:

• Tempos Novos.
• Nós Diario. 
• A revista Luzes.
• Praza.gal.
• Nós Televisión

Ademais, apoian a campaña os seguintes medios, que non teñen subscrición dispoñible na súa oferta:

• Revista Pincha
• Quepasanacosta.gal
• Galicia Confidencial,
• GCiencia
• XornaldaCoruña
• Obarbanza.gal 
• Codigocero
• PNO Ponte nas Ondas

Toda a información en www.mediosengalego.gal.