3 concentracións propón xa o Comité de Empresa de XEAL, no marco dunha nova fornada de mobilizacións. I é que os traballadores de XEAL suman e suman motivos para manifestarse. O último o caso do compañeiro despedido por testificar a favor da traballadora vítima de acoso sexual na fábrica.

O Comité esixe que se adopten medidas contundentes contra o condenado, ao tempo que piden que se readmita inmediatamente ao despedido. E o volverán berrar nas 3 concentracións predispostas para os seguintes días:

• Mércores 9 de febreiro, ás 17:15h na Fábrica de Brens.
• Mércores 16 de febreiro, ás 17:30h diante do Concello de Cee.
• Mércores 23, de 11:00 a 12:00h en San Caetano, na Xunta.

O 23 pediráselle tamén á Xunta que “deixe de ser cómplice destes ataques de XEAL, esixíndolle de inmediato o cumprimentos das cláusulas, e da sentenza do TXSG, e que proceda á reversión dos dereitos de explotación das centrais hidroeléctricas, ante a teima da empresa de desmantelar o complexo industrial e seguir recortando dereitos”.

A CGT reitera a súa denuncia pola represalia

Así mesmo, a sección sindical CGT volve denunciar “a existencia de novas represalias contra o compañeiro despedido inxustamente. O representante da CGT de XEAL, foi acusado a semana pasada por parte de dous directivos de XEAL, un deles o propio condenado por acoso sexual – Coordinador do Servicio de Prevención- , en relación a uns supostos feitos relacionados co tráfico vial”.

Dende a CGT “consideramos que se trata dunha manobra desesperada por parte do Coordinador do Servicio de Prevención de XEAL, para verter falsas acusacións sobre o representante da CGT coa única finalidade de intentar amedrentalo e desacreditalo en caso de que acuda como como testemuña no xuicio penal que está pendente de celebrarse en relación ao acoso sexual”.

Novas relacionadas

• Xaneiro 21: A CGT critica o despido dun traballador de XEAL só por defender no xuízo á compañeira vítima de abuso sexual.
• Xaneiro 21: O Comité de XEAL pide que a Dirección tome medidas “contundentes” contra o responsable condenado por acoso sexual.
• Decembro 21: A CIG levará a agresión ao presidente do Comité de XEAL aos Xulgados.
• Decembro 21: A CIG denuncia unha agresión contra o presidente do Comité de XEAL.
• Novembro 21: O Comité de XEAL apoia nos Xulgados á traballadora que sufríu acoso dun superior.
• Xullo 21: O suposto caso de acoso axita a concentración dos venres dos traballadores de XEAL.
• 09-07-21: O comité de XEAL denuncia na Inspección o proceder da empresa ante os casos de acoso laboral e sexual.
• Xullo 21: O Comité de Xeal denuncia un presunto caso de acoso sexual dun alto cargo próximo á dirección.