Un responsable de seguridade e prevención de XEAL vén de ser condenado polo Xulgado do Social Nº2 de A Coruña, por acoso sexual a unha das traballadoras da empresa. A denuncia presentada polo Comité de XEAL tivo finalmente unha sentenza condenatoria para o avisado, polo que os membros do Comité de Empresa piden á dirección que adopten “medidas contundentes e inmediatas” contra el.

A sentenza condena ao traballador a abonar 8.000€ en concepto de indemnización por danos e perxuizos derivados pola “vulneración dos dereitos fundamentais á igualdade e integridade moral”.

Se ben a sentenza exime de responsabilidades á empresa (que realizou unha investigación interna concluíndo que só había “un conflito laboral de condutas inapropiadas” por un “trato altivo, chulesco ou prepotente”), o Comité considera que a empresa “ten unha obvia responsabilidade e debe deixar de amparar este tipo de comportamentos machistas”. Así, piden que se “despida a este mando adxunto a Dirección”, ao tempo que lembran a política de “atemorización” da empresa.

Lembran ademais que XEAL despediu a un membro do Comité de Empresa 8 días despois de que fose a testificar a favor da traballadora acosada. Polo que piden que o readmitan de forma urxente. O Comité considra que “esta medida, ademais de ilegal e que xa foi denunciada, é unha clara represalia polo seu papel como testemuña na vista”.

Novas relacionadas

• Decembro 21: A CIG levará a agresión ao presidente do Comité de XEAL aos Xulgados.
• Decembro 21: A CIG denuncia unha agresión contra o presidente do Comité de XEAL.
• Novembro 21: O Comité de XEAL apoia nos Xulgados á traballadora que sufríu acoso dun superior.
• Xullo 21: O suposto caso de acoso axita a concentración dos venres dos traballadores de XEAL.
• 09-07-21: O comité de XEAL denuncia na Inspección o proceder da empresa ante os casos de acoso laboral e sexual.
• Xullo 21: O Comité de Xeal denuncia un presunto caso de acoso sexual dun alto cargo próximo á dirección.