O BNG presentou, en rolda de prensa no seu local de Corcubión, as inciativas que vai tomar a curto prazo para que volte o heilcóptero de Salvamento Marítimo a Costa da Morte. Daniel Rodas, deputado no parlamento en materia de pesca, acompañado do portavoz de Fisterra, Xan Carlos Sar e do concelleiro en Cee e portavoz comarcal, Serxio Domínguez Louro, recalcaron a necesidade de que a base estea operativa canto antes, así como presentaron as medidas que van tomar.

O tema volverá ao Parlamento, os grupos municipais volverán presentar mocións nos Concellos da bisbarra, e ademais, o grupo da oposición convoca xa cunha Concentración, diante da Base de Rubio, en Lires, Cee, para este domingo ás 12:00h. Unha convocatoria aberta a toda a cidadanía costeira “para que así a Xunta e o goberno español tomen nota do descontento”.

Por que non vale a base de Rubio?

Hai cousas que aínda faltan por saber. O BNG quere saber cal foi o custe exacto da base e as razóns polas que non está operativa, así como os problemas técnicos que fixeron que se tomara esta decisión. “Está máis que claro que os informes que aconsellaban o lugar como o axeitado non estaban no certo, ou sinxelamente non existían, polo que o goberno debería aclarar este punto”, sinalan.

Preguntan tamén polas “medidas que se van tomar para o non desmantelamento da base, e das solucións técnicas que se van tomar, de facelo, para que non ocorra como no aeroporto de Castellón, cartos públicos invertidos para ningún uso. Instamos tamén a que a Xunta presione ao goberno do estado, para que si a base volve a funcionar, o faga con todas as medidas necesarias para unha seguridade total da xente do mar, e dicir, gardas presencias incluidas”.

Novas relacionadas

• 06-10-14: Un novo naufraxio en Muxía lembra a necesidade do helicóptero de Lires.
• 19-05-14: O BNG reitera as súas críticas polo abandono da Base de Salvamento de Lires.
• 16-05-14: O helicóptero non volverá á base de Lires.
• 28-03-14: Vai pechar definitivamente a base do helicóptero de Lires?.
• 06-03-14: Preocupación pola paralización do heliporto de Lires.
• 18-11-13: Por unha base loxística de Salvamento propia no porto refuxio de Brens.
• 23-09-11: En marcha o heliporto de Lires ante as fotos dos políticos.
• 31-03-2010: Fomento recupera a base de Salvamento de Lires que rechazou a Xunta .
• 31-05-09: A Costa queda sen o seu helicóptero de Salvamento.
• 07-03-08: A Costa terá unha nova base de Salvamento Marítimo.
• 09-10-07: Fisterra pode albergar unha base de helicópteros.

Outras novas

• Sardiñeiro. Un porto sen barcos.
• Que foi do Plan de Usos do porto de Brens?.
• Exercicio de Salvamento do helicóptero de Lires.

Fonte

• Nota de prensa do BNG de Costa da Morte.