A AMEGA abordará no Culturgal un debate sobre a situación do galego nos medios
Estará presente no Culturgal, por primeira vez como tal, a Asociación de Medios en Galego (AMEGA). A entidade, formada por 12 grupos de comunicación unidos pola nosa lingua, terá o seu posto na Feira das Industrias Culturais de Galicia.
A AMEGA terá o seu posto no que ademais de explicar aos visitantes a filosofía dos medios que forman a entidade, realizarán varias emisións en directo. Varios responsables dos medios da Asociación participarán nun debate sobre a situación da nosa lingua na media galega. Estarán presente representantes de Valmiñor.info, A Nova Peneira, Galicia Confidencial, Tempos Novos, Sermos, Que pasa na Costa e a Rede de Emisoras Municipais Galegas RadioFusión.
Paralelamente realizarán varias conexións en directo facendo un pecorrido por toda a Feira e diferentes entrevistas a protagonistas da escena cultural galega.
A AMEGA
A AMEGA está formada polos seguintes medios: Radio Fusión-Rede de Emisoras Municipais Galegas, Galicia Confidencial, Praza, Sermos Galiza, Tempos Novos, Novas da Galiza, A Nova Peneira, Valmiñor.info, Que pasa na Costa, A Voz de Vilalba, Crónica 3 e Terra Cha Xa.
Presencia costeira a través da Deputación
Tamén por vez primeira, a Deputación da Coruña ten presenza en Culturgal. No stand que estará aberto no maior escaparate da cultura galega proxectaráse a través dunha pantalla de vídeo imaxes da Rede Cultural cunha selección de grupos e compañías de teatro, danza ou música participantes ademais doutras iniciativas que se desenvolven en distintos concellos como o festival de Ortigueira, o FIOT (que este ano xuntou a máis de 10.00 espectadores) e Rexenera de Carballo, a Festa da Dorna de Ribeira, a a Chanfaina Lab e o Fálame de San Sadurniño, a Mostra de Artesanía ao Vivo e o Asalto do Castelo de Vimianzo, a Festa da Carballeira de Zas ou o Curtocircuito de Santiago de Compostela, patrocinado pola Deputación que este ano resultou gañador da premio do público do Culturgal.
Novas relacionadas
- AMEGA denuncia a exclusión de medios en galego das axudas institucionais.
- Construíndo o futuro dos medios en galego.
- A Amega denuncia a política de publicidade institucional da Xunta ante expertos europeos.
- A Asociación de Medios en Galego reclama máis transparencia cunha proposta de Lei de Publicidade Institucional.
- A AMEGA, en contra da devastación dos nosos montes.
- A Xunta comprométese a traballar coa Asociación de Medios en Galego.
- Un bo ano para os medios en galego.
- A Asociación de Medios en Galego presentouse aos catro Grupos Parlamentares.
- 17 de maio: A Xunta “pasa” do galego.
- En marcha a Asociación de Medios en Galego con participación costeira.
- Nace a Asociación de Medios en Galego coa presencia de QPC.
