Domingo. 14.07.2024
El tiempo

A Asociación de Medios en Galego presentouse aos catro Grupos Parlamentares

A Asociación de Medios en Galego presentouse aos catro Grupos Parlamentares
Membros-da-AMEGA-cos-parlamentarios-do-PSdG

A recentemente constituida Asociación de Medios en Galego, da que forma parte QPC, vai collendo músculo. O grupo de 15 medios que fan comunicación na nosa lingua segue traballando e trala presentación oficial o pasado 17 de maio, este pasado martes 16 de xullo mantivo o seu primeiro contacto cos 4 grupos parlamentares galegos. Varios membros da entidade tiveron reunións no Parlamento Galego con representantes do PSdG, BNG, AGE e PP, ademais doutra cita co Colexio de Xornalistas.

Liñas estratéxicas

A entidade prantexou as súas liñas estratéxicas de actuación. Unhas propostas que sempre van encamiñadas ao mantemento, promoción e dignificación da lingua galega, á súa presencia nos medios, así como a profesionalización do sector.

A organización propón establecer un marco de relacións entre institucións e medios que abranga 3 lexislaturas.Así mesmo, avanzou a súa intención de comezar a traballar consensuadamente na creación dunha Lei de Publicidade Institucional, unha vez que o actual Decreto rixe dende o ano 1999, cando a realidade mediática do país era singularmente diferente.

Pulsando aos Grupos Políticos

A resposta dos diferentes grupos foi positiva. A primeira reunión celebrouse co PSdG. Pablo García, Abel Losada e Manel Gallego escoitaron as súas propostas e trasladaron a súa receptividade e disposición a facer de “altofalante” no Parlamento. Por parte do BNG, foron Monste Prado e Francisco Jorquera os que escoitaron aos voceiros da entidade e amosaron a súa “plena disposición a apoiar”. Pola súa banda, Xesús Ron e Ramón Vázquez, de AGE, foron tamén receptivos coas suxestións, mentres que Pedro Puy, Marta Rodríguez Arias e José Manuel Agra amosaron a intención do Grupo Parlamentario Popular a analizar as proposicións da Asociación.

Quen forma a AMEGA?

Se ben a Asociación de Medios en Galego segue en proceso de crecemento, a día de hoxe está formada por 15 medios: Galicia Confidencial, Tempos Novos, Novas da Galicia, Radiofusión, rede de emisoras municipais galegas, Praza Pública, Valmiñor.info, Quepasanacosta.com (o seu coordinador Ubaldo Cerqueiro é o Vicepresidente), xornal dixital da Costa da Morte, Certo, Xornal da Barbanza, Compas da Costa, revista dixital da Costa da Morte, Sermos Galiza, Cadernos de Comunicación e Análise, Terra Chá Xa, A Voz de Vilalba, Cronicas 3, xornal dixital da Mariña Lucense e A Nova Peneira.

Máis información

Novas relacionadas

Outras novas

Fonte

Comentarios