A participación costeira na creación do Convivium Galicia da Slow Food é fundamental. Non só dous dos 3 produtos galegos incluídos no Arca do Gusto de Slow Food, 2 teñen a semente na Costa da Morte, como son o porco celta, a centolla de Lira, ademais do millo curvo de Bueu. Ademais, o seu presidente é o muxián Jesús Trillo, e Muxía acolleu a presentación en sociedade do Convivium Galicia deste movemento, implantado en todo o mundo, aposta por preservar os alimentos tradicionais e en perigo de extinción.
De aí que cada actividade na que se fale de lume lento, será de interese para a nosa bisbarra.

E malia levar uns meses sen actividades destacables, a representación galega deste movemento filosófico-gastronómico mundial volve á actualidade. Este vindeiro luns 12 de setembro, participarán nas xornadas sobre "Variedades Locais e Gastronomía", que se celebarán na Aula de Cociña Porto Muíños, en Cambre. En concreto, exporá a filosofía Slow Encarna Otero, membro do Convivium Galicia.
O Convivium Galicia asistirá tamén cunha caseta ao Salón do gusto, que se celebrará en decembro en Bilbao.

Novos horizontes para o consumo responsable

As xornadas de Cambre están promovidas polo proxecto Novos Horizontes, no que participan varios Grupos de Desenvolvemento Rural de Galicia e Asturias. Un deles, de feito, o desenvolto en Bergantiños, está sendo moi interesante recuperando a pataca fina de Carballo e o millo corvo. O principal obxectivo da iniciativa é identificar, ensaiar e difundir cultivos tradicionais e novas producións que poidan xerar emprego no mundo agrario, conectando devanditas producións cos demandantes de emprego e os mercados obxectivo.

Tras a inauguración por parte do alcalde de Cambre, Manuel Rivas, ás 10.30 h., ademais da relatora de Slow Food, intervirán tamén representantes das cooperativas de consumo responsable Zocamiñoca da Coruña, A Cova da Terra, de Lugo, e A Xoaniña, de Ferrol, así como da Rede Andaluza de Sementes.

Máis información

• www.galicia.slowfood.es.
• Aula de Cociña de Portomuiños.

Novas relacionadas

• Italia saborea os tesouros do mar de Lira no marco da Slow Food.
• Lira abandeira a presencia galega na Feira de Turín, a máis importante da Slow Food .
• Presentación do Convivium Galicia da Slow Food: A Costa comeza a “xantar de vagar”.

Máis novas gastronómicas

• Entrevista con Manuel Gago: “O litoral da Costa ten propiedades hipnóticas”.
• Bergantiños tamén quere millo corvo co proxecto Novos Horizontes.
• A Costa sabe degustar o seu mar.
• Xornalistas especializados de toda a península coñecen os tesouros da Costa.
• A denominación de orixe da Costa da Morte triunfa no Forum Gastronomic de Girona.
• Uns porcos saudablemente celtas.
• Da Costa a Europa a lume lento.
• A Costa da Morte na vangarda do Slow food.

Fonte

• Redacción de QPC ([email protected]).