Así abríu Xan Fraga co seu pregón, unha nova edición da Praza dos Libros de Carballos, unha das máis orixinais feiras literarias de toda Galicia. Volveu ata Gutember o bo de Fraga para criticar estamentos tan impunes como o mundo do fútbol e os millóns que se gasta a nosa sociedade nel.

Todo, como punto de partida a catro días dun intenso programa no Xardín Municipal, "un espazo de encontro e intercambio”. Días nos que degustaremos literatura, pois “os libros saben a pan e gloria", e "os libros son vida”, segundo o pregoeiro, que tamén recordou que en vindeiras semanas abrirá as súas portas a nova Biblioteca Municipal.

Teremos estes días grandes persoeiros da cultura galega por Carballo, como Xosé Neira Vilas, Rosalía Fernández Rial, Xurxo Souto, Suso Lista, Xosé Iglesias… Unha oferta á que se unen 7 librarías, que traerán a creatividade galega para que quen queira tamén a poida levar para a súa casa: Brañas, Trasgo e Ler (de Carballo), Roget (de Vimianzo), Pedreira (de Santiago), Á lus do Candil (de Arteixo) e Couceiro (da Coruña).

O horario de apertura é de 11.00 a 14.00 horas polas mañás e de 17.30 a 21.30 horas polas tardes.

A literatura, unha boa industria

Botando a mirada atrás, a Feira da Creatividade a Cultura de Carballo congregou na edición de 2013 a arredor de 5.000 persoas con vendas de máis de 1.500 libros. Unhas cifras máis que fantástica, demostrando que a literatura tamén é industria.

Máis información

• Programa da Praza dos Libros 2014 [pdf].

Novas relacionadas

• Carballo volve facer da cultura alimento na Praza dos Libros.
• Xurxo Souto trae os seus Contos do Mar de Irlanda a Bergantiños.
• Os libros encheron Cee de literatura costeira.
• Carballo publicou un libro cos seus exitosos Contos de taberna.
• Amasando Pan de Carballo.

Fonte

• Concello de Carballo.