"O Partido Popular predica pero non practica a transparencia como o evidencia a súa oposición á toma en consideración dunha Lei de Publicidade Institucional" afirma a deputada do Bloque Nacionalista Galego Montse Prado. Para a parlamentaria nacionalista "é esperpéntico e vergoñento que se opuxeran esta semana a debater esa cuestión, cando Alberto Núñez Feijoo prometeu a inmediata presentación desa lei, en nove ocasións nos últimos seis anos”.

"Non queren regular as axudas aos medios de comunicación, non desexan transparencia, porque están cómodos na opacidade, repartindo discrecionalmente e con amiguismos unha cantidade que ronda os dez millóns de euros anuais" indica Montse Prado, salientando que a Xunta se nega a ofrecer no Parlamento esa cantidade global. "Esa situación é cada vez máis insoportable para a cidadanía que reclama con máis forza o bó uso dos recursos públicos" salienta.

Para Prado é inconcebible que "se incumpra reiteradamente o Estatuto de Autonomía e o seu mandato de potenciar o galego, mantendo aos medios de comunicación que empregan esta lingua, con faragullas". Na proposición de Lei presentada esta semana polo BNG, a partir do texto remitido pola Asociación de Medios en Galego, reclamábase igualmente, a obrigatoriedade de estabilidade e criación de emprego para os medios que reciban subvencións e axudas públicas”.

A LPI propoñía garantir a utilidade pública e a transparencia das campañas institucionais de publicidade. Implicaba a erradicación daquelas campañas que teñan como finalidade ensalzar o labor do goberno.

A Lei recollía a elaboración dun informe anual con todas as campañas contratadas no exercicio e a relación dos adxudicatarios dos convenios asinados con medios de comunicación. Propoñía tamén a elaboración dun plan anual de publicidade e comunicación. Asimesmo instábase a excluir das campañas institucionais de publicidade aqueles medios que inclúan publicidade da prostitución.

Novas relacionadas

• A Xunta vota en contra da transparencia nas axudas a medios de comunicación.
• A AELG premia á Asociación de Medios en Galego.
• AMEGA denuncia a exclusión de medios en galego das axudas institucionais.
• Construíndo o futuro dos medios en galego.
• A Amega denuncia a política de publicidade institucional da Xunta ante expertos europeos.
• A Asociación de Medios en Galego reclama máis transparencia cunha proposta de Lei de Publicidade Institucional.
• A AMEGA, en contra da devastación dos nosos montes.
• A Xunta comprométese a traballar coa Asociación de Medios en Galego.
• Un bo ano para os medios en galego.
• A Asociación de Medios en Galego presentouse aos catro Grupos Parlamentares.
• 17 de maio: A Xunta “pasa” do galego.
• En marcha a Asociación de Medios en Galego con participación costeira.
• Nace a Asociación de Medios en Galego coa presencia de QPC.

Fonte e máis información

• Nova da Asociación de Medios en Galego.