Venres. 29.03.2024
El tiempo

Pedro Tasende expón a súa Vida Intensa no Pazo da Cultura

Pedro Tasende expón a súa Vida Intensa no Pazo da Cultura
Pedro Tasende na inauguracion da sua Exposicion en Carballo

Nunca é fácil ser profeta na túa terra. Temos bos exemplos pola volta, como a proposta da Sala de Exposicións Antón Mouzo de Vimianzo adicada á artistas locais. E parece que Carballo quere apostar tamén pola calidade da casa.

Así, o creador carballés Pedro Tasende vén de estrear a súa exposición "A vida intensa", que estará no Pazo da Cultura até o 25 de febreiro (de 17:00h a 21:00h). E o fai despois de colaborar coa exposición "Miradas 2" e de actuar en Carballo co seu grupo musical Tímperis, demostrando así a súa polivalencia.

Montaña rusa sentimental

Detalle de Ultramar de Pedro Tasende

Así podemos definir esta combinación de escenas nas que os corpos, os xestos, din moito máis que as palabras. "A expresión do corpo humano" é clave, para, cun afán expresionista, amosar todo o mundo interior que Tasende leva absorvendo dende que marchou fóra de Bergantiños, aló polos 18 anos.

Agora, de volta, asume este reto, o de superar o medo a ensinar o que se crea para un e na intimidade ante o público, loitando contra "ese medo ao amor, á timidez, en definitiva, a vivir".

Novas relacionadas

Fonte e máis información

Comentarios