A Xunta directiva da Asociación de Empresarios do Camiño de Santiago a Fisterra-Muxía ‘SOLPOR’ acordou na súa última reunión editar unha guía da devandita prolongación xacobea. A publicación recollerá unha ficha e foto de cada establecemento asociado, ademais dun mapa da Ruta e outras informacións prácticas destinadas a peregrinos e viaxeiros.

As empresas que desexen aparecer na mesma deberán estar dadas de alta na entidade antes do vindeiro 31 de Outubro. Os interesados en contactar coa asociación poden facelo por medio do correo  [email protected].

Punto de información en Compostela

Outros dos temas abordados foron a apertura en Santiago de Compostela dun punto informativo da prolongación xacobea. Na procura deste obxectivbo xa se teñen feito varias xestións.
Os directivos de Solpor mantiveron tamén contactos con directivos de Turismo de A Coruña, de cara a establecer un convenio con dito ente, encamiñado á distribución de material informativo da asociación na cidade herculina, e viceversa.

Cita co CMAT

Ademais, o sector está pendente da Asemblea da APTCM do vindeiro luns na que se analizarán, entre outros asuntos, o estado de saúde do CMAT, o chamado a ser o interlocutor único do sector hostaleiro costeiro coa Xunta, creado en decembro pasado pero do que aínda non temos novas.

Novas relacionadas

• Nace Solpor, unha Asociación de Profesionais para unir o Camiño de Santiago a Fisterra e Muxía.
• A APTCM convoca unha nova Asemblea para escoller directiva analizar o estado do CMAT.

Máis novas

• The Walk to Fisterra coa música de Bach.
• Oficina de Turismo: Pechada por vacacións.
• Unha nova Axencia para viaxar á Costa da Morte.
• O #CursoTurismoUDC de Carballo propón modernizar o sector da Costa da Morte.
• Hostaleiros da Costa e Santiago unen forzas por un mellor servizo de transporte.
• Madrid-Muros-Fisterra cun billete único entre Renfe e Monbús.
• A Costa da Morte segue lonxe dos primeiros destinos de Galicia.

Fonte

• Redacción de QPC ([email protected]).