Solpor pretende erradicar os establecementos ilegais tan presentes no Camiño A asociación de Empresarios do Camiño de Fisterra-Muxía Solpor xa comezou a traballar na campaña turística do próximo verán. Na reunión da xunta directiva da organización, que se celebrou o pasado mércores, acordaron levar a cabo diversas actuacións.  Unha delas será a de crear unha especie de marca entre os establecementos asociados, que inspire confianza aos peregrinos. Neste senso, un primeiro paso será o colocar, xa antes de finais de ano, un distintivo en cada un dos locais pertencentes ao colectivo. Deste xeito preténdese tamén evitar que o camiñante acabe nun negocio ilegal. Outro dos asuntos acordado foi o de manter unha xuntanza con os nove alcaldes da ruta, que está prevista para mediados de xaneiro. Ademais de ofrecerse para colaborar nas accións no Camiño, a patronal prantexará aos rexedores temas como a eliminación de aloxamentos ilegais e de tramos de asfalto, sinalización e estado da ruta, entre outros. Solpor prevé levar a cabo igualmente unha campaña de prantación de árbores no entorno da prolongación xacobea. Sería a primeiros de febreiro e desenvolveríase en colaboración cos colexios. Por último, foi acordado colocar dous milladoiros nos puntos do Camiño nos que o peregrino ve o mar por primeira vez. Estarían situados nos concellos de Cee e Muxía, e a súa ubicación concreta consensuaríase cos responsables de ditos concellos. Novas relacionadas

• A Costa da Morte, por parroquias, moi presente na FITUR.
• O CMAT podería estar en marcha en varias semanas.
• Nava Castro revisa as obras no Camiño.
• A Costa da Morte entende a necesidade do CMAT.
• A Xunta comprométese a promocionar o Camiño de Fisterra-Muxía no exterior.
• SOLPOR editará unha guía do Camiño de Fisterra-Muxía.
• Nace Solpor, unha Asociación de Profesionais para unir o Camiño de Santiago a Fisterra e Muxía.
• Por un futuro cheo de vida no Camiño dos Faros.
• Deputación e Concellos danlle un impulso ao CMAT.

Fonte

• Redacción QPC (info@quepasanacosta.gal)
• Solpor