Xa ninguén dubida do éxito que teñen as propostas gastronómicas na Costa da Morte. Pois hoxe ponse en marcha as II Xornadas Gastronómicas da Costa da Morte. Unhas xornadas que artella a Asociación Neria, en colaboración con Turgalicia con 28 establecimentos da bisbarra dende Malpica ata Muros.

Así, dende hoxe e ata o día 30 deste mes de xuño os restaurantes ofrecerán un menú especial baseado en produtos da zona, tanto do agro coma do mar (o marisco é un dos protagonistas), cunha preparación profesional especial. A innovación mestúrase coa tradición para demostrar que a gastronomía da Costa da Morte está a gran nivel. O menú custará 35 euros por persoa, adega aparte.
Neste sentido, colabora na iniciativa Adegas Valtea, de Arbo-Pontevedra, ofrecendo os seus viños do país.

Establecimentos participantes

Os restaurantes participantes nas Xornadas Gastronómicas son os seguintes: Casa Velay, O Semáforo, Tira do Cordel, O Centolo e O Fragón (no municipio de Fisterra); Vila de Ouro, O Meu Lareira e Porto Arnela (en Camariñas); Casa do Arco e Zúric (Laxe), Efe-Eme (A Picota), Insua e O Recreo dá Costa da Morte (Cee); A Lareira (Baio), A Morosa (Carnota), Casa Pego (Antes, en Mazaricos), Casa Sabina e O Castillo (Vimianzo), A Cunca (Buño-Malpica), As Garzas (Barizo-Malpica), Casa dá Crega (Caldebarcos-Carnota), Lestón e Cabanel (Sardiñeiro), O Hórreo (Corcubión), O Coral (Muxía), O Castelo e Lusco e Fusco (Muros) e Mar de Ardora (Cabana).

Máis información

• Guía de establecimentos participantes nas II Xornadas Gastronómicas da Costa da Morte.

Novas relacionadas

• Fin de semana de olores e sabores en Cee.

Outras novas

• Bergantiños tamén quere millo corvo.
• O GAC Costa da Morte aposta por Xapón.
• A denominación de orixe da Costa da Morte triunfa no Forum Gastronomic de Girona.

Fonte

• Asociación Neria.