2ª Autonómica: Empate no alto

2ª Autonómica: Empate no alto

15:58 03/10/11

A 5º xornada da Liga da Costa tiña un encontro destacado, o que enfrontaba no Hermanas Patiño ao Camariñas e ao Club do Mar. Non defraudou o choque entre estes dous aspirantes ao ascenso, e malia que o fútbol non fose o protagonista, a tensión e a igualdade deixaron un encontro vibrante. O empate non despexa dúbidas pero deixa claro que ambos estarán loitando polo título. Polo demais, destacada a vitoria do Baio ante o Malpica; a do Dumbría B en Castriz; e a nova derrota do Pindo, que é o único equipo que non sumou aínda.

Camariñas - Club do Mar (3-3)

CAMARIÑAS: Pombo (Diango, min.83), Alberto, Carlos, Breo, Maikel, De La Sierra (Nico, min.72), Moriño, Javi (Adrián Negro, min.78), Brais, Juan Obello e Leo.
CLUB DO MAR: Iago, Alex (Corral, min.75), Repi, Chechu, Fran Borrazás, Alberto, Tonecho (Juan Lareo, min.46), Jacobo, Bertín (Manu, min.70), Santi Silva e Vituco.
Goles: 0-1, min.30: Bertín no segundo pao a centro de Fran Borrazás; 1-1, min.40: Juan oBello tras unha parede na área con Leo; 1-2, min.59: Juan Lareo nun córner; 2-2, min.71: Leo, penalti do porteiro sobre el mesmo; 2-3, min.89: Alberto nun córner; 3-3, min.90: Leo, de penalti.
Expulsión: O segundo adestrador do Club do Mar, Yuli (min.87)

O partido entre o Camariñas e o Club do Mar era o choque máis esperado da xornada, dous equipos que aspiran ao máis alto e primeiro enfrontamento para medir as forzas duns e doutros. Ao final un empate que non despexa moitas dúbidas de quen estará por enriba de quen ao final da tempada, pero o que semella claro é que o título disputarano entre eles. Foi un encontro moi lento e con moito xogo no medio campo, moitas faltas e interrupcións constantes. O Club do Mar adiantouse ata en tres ocasións no marcador, pero os Camariñáns conseguiron igualar con moito traballo e orden. Bertín adiantou aos de Caión ao recibir un centro de Fran Borrazás, en colaboración con Pombo que tentou coller o balón cunha man en vez de despexar e este quedou franco para Bertín. A piques do descanso o camariñas trenzou unha xogada dende o medio campo e ante numerosas combinacións acabaron na área e cunha cesión de Leo de tacón para Juan que non fallou. Tralo descanso a intensidade foi en crecemento e non houbo un dominador claro, numerosas faltas e xogadas moi directas. Os locais reclamaron un posible penalti sobre Leo, pero o colexiado, moi desacertado durante os 90 minutos, non quixo sinalar nada. Pouco despois Juan Lareo anticipase moi ben ao seu par e marcaba de cabeza tras un córner ao rematar no primeiro pau. Nesa mesma xogada Pombo deu un bo xusto, quedou tendido cun forte golpe no peito e o xogo estivo detido uns cuantos minutos. O porteiro pontecesán, sabedor que non tiña recambio no banco seguiu no campo pese a estar tocado. O Camariñas en ningún momento se veu abaixo e soubo reaccionar moi rápido aos goles do rival. Leo que está demostrando estar moi motivado e nunha boa forma, gañoulle na carreira a Chechu, que semellaba que chegaba con superioridade ao balón, pero unha indecisión co porteiro acabou co derribo deste ao dianteiro ceense. O propio Leo tirou e empatou de novo o encontro. Pombo foise sentindo cada vez peor e optou por deixar o terreo de xogo, a falta de porteiro suplente fixo que Breo se tivera que poñer baixo paus, o muxián xa tivera que poñerse os guantes algunha vez en Muxía. Deste feito aproveitáronse os visitantes e nun córner Alberto poñía o terceiro, celébrano moito os xogadores e grada ateigada de seareiros de Caión, semellaba que se levarían os tres puntos, pero unha pésima decisión máis do colexiado impediullo. Juan Obello recolleu un balón na frontal da área entrou na área e alí deixouse caer enganando ben ao colexiado que posiblemente quixera compensar o anterior a Leo non pitado. De novo Leo marcou, pese a que tivo que repetir o lanzamento por decisión do colexiado. Houbo unha longa prolongación polo tempo perdido pero o marcador xa non se movería deixando un empate que posiblemente coa cabeza fría lle guste aos dous equipos.

Corcubión - Esteirana (1-1)

CORCUBIÓN: Cristian, Jose da Atalaya, Sergio, Papi, Conguito, Alberto, Edu, Alán (Brais, min.70), Paulo (Balucho, min.55), Mario e Sebas.
ESTEIRANA: Ramón, José Varela, Maxi (Adrián, min.46), Pichu, Dani Rama, Eloy, Alex, Cajulo, Iago (Isma, min.65), Roberto Pladur e Adelino.
Goles: 1-0, min.20: Mario cun golazo de volea; 1-1, min.55: Adelino tras un xogadón de Roberto Pladur.

Non estivo a altura o cadro de Manín destas últimas semanas. O Corcubión, que aínda non sabe sumar de 3 en 3, viña realizando partidos meritorios, pero esta semana no Cubaleiro, viuse superado por unha mellor a Esteirana. Así e todo, os locais controlaron o xogo nos primeiros 45 minutos e Maro puxo en vantaxe aos seus cunha boa volea dentro da área. Na segunda metade a Esteirana foi superior, tomou o mando, e coas incursións de Roberto Pladur (que ata mandou dous balóns á madeira), Cajulo e Adelino fixeron moito dano. Foi o meta Cristian, que a semana pasada non fiera unha boa actuación en Ara Solis, quen salvou un punto. No treito final, a Esteirana protestou un posible penalti sobre Adelino por un agarrón que o colexiado non veu.

Baio - Malpica (4-2)

BAIO: Pollo, Matías, Iván, Fredi, José Antonio (Pardo, min.85), Eloy, Pirucho (Rubio, min.60), Alberto, MC (Fermín, min.89), Canay (Martín, min.46) e Javi Suárez.
MALPICA: Suso, Víctor, Marcos Amado, Dani, (Daniel), Iago, Rancaño, Neucha, Cheo, Pablo, Andrés e Alfredo (Manu Pardo).
Goles: 1-0, min.10: Javi Suárez; 1-1, min.40: Neucha de falta directa. 1-2, min.55: Neucha dende fóra da área; 2-2, min.65: Javi Suárez; 3-2, min.70: Martín. 4-2, min.75: Javi Suárez aproveita un erro da defensa visitante.
Expulsións: o baiés Matías (min.69) e o malpicán Cheo (min.80).

Partido bonito o xogado no Platas Reinoso, con moitas ocasions, no que os locais superaron a todo un Malpica, que se amosou algo frouxo na parte de atrás. Os baieses, a pesar das baixas, están amosando unha moi boa imaxe neste comezo de campaña, e se a semana pasada puideron sacar algo positivo do campo do Club do Mar, esta xornada vencían a outro dos chamados a estar arriba. Al alternativas no marcador fon constantes, e só no último cuarto de partido, varias contras letais dos baieses foron claves para sentenciar o choque. Iso si, ambos conxuntos tiveron que lidiar coa desafortunada actuación arbitral.

Mazaricos - Muros (2-0)

MAZARICOS: Juan, Casais, Marcos, Chico, Matías, Brais, Rodrigo, Esteban (Ramón, min.55), Cristian (Ferreiro, min.85), Estéfano (Sandelo, min.77) e Rafa (Kevin, min.48).
MUROS: Lupi, Iván (Teo, min.5), Marco, Mayuyo, Manu Dosil, Dani, Bibi (Yanki, min.46), Óscar, Seluco, Alberto (Mingos, min.46) e Sexo.
Goles: 1-0, min.15: Rafa; 2-0, min.35: Estéfano.
Lesión: Iván cunha torcedura.

Dous goles na primeira metade, aproveitando dous erros da defensa local, foron sufientes para sentenciar un partido soso, no que o Muros nunca foi o que nos ten acostumado. Apenas houbo ocasións nin para un bando nin para o outro, pero o Mazaricos aproveitou mellor as súas ocasións. Rafa e Estéfano puxeron por diante aos de Periscal. No segundo tempo, os muradáns apretaron pero máis con balóns arriba que co xogo de toque que amosa habitualmente. Chegaron en dúas boas ocasións os de Sil pero onte estivo seria a defensa mazaricá. Kevin e Cristian puideron tamén ampliar a renda nunha ocasión doble pero o marcador xa non se movería.

Buño - San Lorenzo (2-1)

BUÑO: Brais, Braix, Diego, Angel, Oscar, Jorge Calvete, Rubén, Dani Calvete (Emilio, min.60), Elías (Isma, min.50), Miguel (Richard, min.75) e Víctor.
SAN LORENZO: Rercarey, Santi, Adrián, Dubra, Puñal, Cachizo (Javi Pensado, min.75), Chechu, Anxo (Chucho, min.70), Marcos (Jorge,m in.55), Fuentefría e Miguel (Carlos, min.55).
Goles: 0-1, min.25: Marcos tras unha combinación con Chechu e Miguel; 1-1, min.44: Dani Calvete; 2-1, min.60: Víctor.

Partido con alternativas e unha parte para cada un. O Buño comecou durmido, e o cadro de Chema Eirís foi mellor na primeira metade puidendo levar unha renda de ata 0-3. Pero cando mellor estaba o cadro visitante, un tanto de Dani Calvete ao fío do descanso foi clave, espertando aos locais e levando á desesperación aos de Verdillo, que neste mal comezo de temporada veían como tras unha primeira parte fantástica, acaba en empate. Na segunda, as gañas dos locais foron claves para o desenvolvemento do choque. O cadro local mellorou e fíxose co control do balópn. Víctor puña por diante aos malpicáns, provocando que os visitantes subiran filas. Con balóns aéreos intentaban chegar mentres que os locais, á contra facían dano, como un gol anulado a Richard, ou unha acción doble de Isma e Richard. Para Chema Eirís foi un resultado totalmente inxusto.

Castriz - Dumbría B (0-3)

CASTRIZ: Herrera, Martín (Pejo, min.46), Sergio Pose, Álex, Toniño (michi, min.30), Alberto (Jorge, min.70), Mauri, Toño, Jonhi (Rubén, min.46), Sebas e Iván.
DUMBRIA B: Anxo, Samuel, Sergio Cives, David Carreira (Samuel, min.75), José Manuel, Tati, Jesús, Riki (Fernando, min.60), Miguel Poyo (Alex, min.85), Pablo Lestón (Wsteban,in.46) e Toni (Ivanete, min.80).
Goles: 0-1, min.20: Toni a pase de Riki; 0-2, min.70: Toni tras unha xogada de Esteban; 0-3, min.82: Ivanete de vaselina.
Expulsión: o xalleiro Iván (min.55), por protestar cando anulou un tanto do Castriz pitando unha man a favor.

Tremendo está este Dumbría B, que cunha firmeza espectacular na liña de atrás, sentencia os partidos cunha pegada impresionante, sen botar en falta a marcha de Pablo Muíño ao Zas. Os xalleiros controlaron máis o xogo pero, 3 contras fulminantes dos de César Ferrío mataron o partido. Segundo sinalan en Castriz, a expulsión de Iván, aos 10 minutos da reanudación e cando mellor estaban xogando, foi clave, pois a xogada acababa en gol e o colexiado sinalou mans a favor dos locais sen deixar seguir. Nas protestas Iván acabou nos vestiarios.

Sofán - Corme (1-2)

SOFÁN: Richard, Víctor, Adri (Juan Rabuñal, min.75), Juanjo, Meniño, Alemán (Manuel Varela, min.75), Iván, Suso, Abel (Edu, min.70), Mario e Jacobo (David Pensado, min.55).
CORME: Susiño, Abel, Adolfo, Jesús, Lelo, Alejandro, Lucas, Diego (Gonzalo, min.75), Adri, Iago (Chino, min.88) e Martín (Dani, min.82).
Gol: 1-0, min.10: Mario tras uns rexeites; 1-1, min.65: Martín tras unha boa xogada; 1-2, min.80: Iago tras un rexeite a unha boa xogada de Adrián e un tiro ao poste.

Partido o que Sofán e Corme presentábanse con moitas baixas. Comezou o Sofán por diante pero pouco a pouco o Corme, que non se rendiu en ningún momento, foi collendo protagonismo. Clave foi o balón que Mario non acertou a meter na meta de Susiño co 1-0 e que podía ter significado a sentencia. Na segunda metade, o Corme non lle perdeu a cara, e tirou para arriba, e en dúas xogadas moi ben trenzadas acabaron dando a volta ao marcador. Ambos equipos agardan ir recuperando efectivos. De feito, para a semana que vén os Martinciño, Pandi e Alejo volverán ao 11 azulón, e poderán completar un equipo inicial con 6 sub-19, dos xuvenís de ouro do ano pasado.

O Pindo - Fisterra (0-2)

O PINDO: Garrido, Herminio, Manolito, Álex (Javi Conexo, min.55), Juan, Diego, Lolo, Nano, Carlos Leis, Hugo e Carlos.
FISTERRA: Joselu, Piti, Pana (Juan, min.65), Gus, Roco, Nico, Santi (Cote, min.70), Guardiola (Marco Docabo, min.80), Dudo, Mané (Tata, min.80) e Rivas (Roa, min.60).
Goles: 0-1, min.46: Mané de cabeza á saída do descanso; 0-2, min.85: Tata.

Vai mellorando este Fisterra conforme pasan as semanas. Os de Juan Jesús van tomando forma, malia que onte non foi tan superior como sinala o resultado. De feito na primeira metade os locais foron algo superiores, e tiveron boas ocasións para adiantarse no marcador, como un cabezazo ao longueiro de Diego León e outro cabezazo picado de Hugo. Cambiaron as tornas na segunda, cos típicos fallos de concentración do cadro local, e xa aos 30 segundos Mané aproveitou un despiste da zaga local para marcar de cabeza. O Pindo, a base de faltas, intentaba chegar á meta de Joselu, pero só Tata foi quen de marcar a 5 do final nunha contra nun posible fóra de xogo, segundo protestaron os locais.

Nantón - Zas (Suspendido)

O encontro foi suspendido pola morte do fundador do Nantón, ex presidente do clube cabanés, Faustino Montes. Montes falecía o pasado sábado repentinamente aos 57 anos.