2ª Autonómica: Táboas

2ª Autonómica: Táboas

07:45 13/02/12

A xornada 22 da Liga da Costa centraba a súa atención no partido do ano. Os colíderes enfrontaban as súas igualadas forzas e así o reflectía o marcador final, deixando un empate en todo o alto. Iso así, parece que as liñas son diferentes, e se o Club do Mar segue fichando, o Camariñas sufría serios cambios esta semana. A dimisión de Manolín a pasada fin de semana, por diferencias coa directiva, deixou ao cadro nas mans de Pepucho, pero xa soan Manolito e Berto como posibles relevos para o banco camariñán. Veremos que acontece na familia camariñá, pois Pombo tamén se prantexa deixalo equipo, así como algún que outro xogador importante. Polo demais, o Malpica superou ao Baio no vagón de perseguidores, e o Sofán cortaba as ás do Corme. Foi importante a xornada na zona baixa, con vitorias claves do Zas ante un Nantón en cadro (con 3 porteiros sobre o céspede de San Andrés); do Buño en Verdillo que lles permite aos malpicáns seguir respirando e mantén aos carballeses en posicións complicadas. Así, dende o Corcubión (12º con 24 puntos) ao Nantón (17º con 18 puntos) non se pode despistar nin Zas, nin Mazaricos, nin o propio San Lorenzo.

Club do Mar - Camariñas (1-1)

CLUB DO MAR: Iago, Chori, Rubén, Repi, Fran Borrazás, Jacobo, Johni, Juan Lareo, Bertín, Vituco e Santi Silva (Chapu, min.20)
CAMARIÑAS: Pombo, Carlos Meu Lar, Dyango (Adrián, min.66), Maikel, Alberto Ogando (David, min.58), Moriño, De la Sierra, Brais, Javi, Juan oBello e Leo.
Goles: 1-0, min.20: Bertín; 1-1, min.80: Maikel de cabeza.
Expulsión: o local Juan Lareo (min.90).

Preto de 600 persoas enchían o campo de Paiosaco para ver o partido da temporada. Os colíderes enfrontábanse en todo o alto, e repartianse o partido cunha parte para cada equipo. Na primeira mandou o equipo local, cun Camariñas aínda convaleciente da saída do seu míster. Adiantou Bertín aos locais, que no canto de sentenciar quixeron administrar a renda e se foron metendo atrás. Así, durante o segundo tempo o cadro local estivo a mercé dos camariñáns, que fixeron un gran encontro mantendo o mesmo estilo implantado por Manolín. A base de entrega e de profundidade, Maikel facía o xusto empate contra o final e Javi a piques estivo de completar a remontada cun tiro ao pau. De seguiren así, será o golaverage xeral o que determine o líder, agora con tan só 3 goles de vantaxe para os caioneses. Uns caioneses que, por certo, seguen reforzándose, e desta volta debutaba Chapu, coñecido coruñés que xa xogou a tempada pasada co Cee.

Malpica - Baio (2-1)

MALPICA: Suso, Charly, Avelino, Iago, Marco, Rancaño, Neucha (Charro, min.70), Cheo, Tato, Pablo (M. Pardo, min.80) e Andrés.
BAIO: Manuel, Matías (Fredy, min.90), José Antonio, Iván (Bieito, min.80), Mario, Ramón, Martín MC, Javi Suárez, Canay, Alberto (Rubio, min.85) e Eloy (Fachal, min.70).
Goles: 0-1, min.20: Javi Suárez á contra; 1-1, min.50: Neucha empalma un centro de Cheo; 2-1, min.65: Pablo tras un córner.

Xusta vitoria do cadro malpicán que leva unha racha impecable de 9 vitorias consecutivas. Foi un partido feo, con moito vento, o disputado na primeira metade, pero con poucas ocasións. Adiantouse o Baio na primeira ocasión que tivo nunha contra que non fallou Javi Suárez. Era cando mellor estaba o Malpica, que acusou o gol pero que o seguíu intentando a balón parado. Na segunda apareceu o mellor Malpica que se veu arriba buscando a igualada, e crearon bastantes ocasións, e deron a volta ao marcador merecidamente. Ao final Canai nun man a man e Matías nunha falta aínda puideron conseguir o empate.

Corme - Sofán (0-2)

CORME: Suso, Adolfo, Jesus, Pandi, Diego (Dani, min.79), Alejandro, Juan Chans, Adrián Doldán, Lucas, Alejo e Martin (Abel, min.70).
SOFÁN: Luis de la Peña, Adrián García, Diego, Juan Rabuñal, Miniño, Pensado, Suso Docampo, Abel, Edu, Berti (Jacobo, min.65) e Gurita.
Goles: 0-1, min.44: Edu dende a frontal tras un roubo e un bo pase de Pensado; 0-2, min.78: Edu nun barullo.

Frea a SD a boa liña do Corme e se mete preto no segundo vagón da Liga. Os de Vicente e Miniño souberon controlar aos Adrián Doldán, Lucas, Alejo e Martín, e o Corme careceu da profundidade e do descaro doutras ocasións. Marcaron así o tempo do partido, máis pausado do que lle gusta aos cormeláns, acostumados a correr. Clave foi o gol ao fío do descanso de Edu, así como a calidade de Luís De la Peña que salvou un man a man ante Alejo, que volvía ao 11 azulón. Na segunda, o Corme saíu a por todas, pero nin Lucas nin o propio Alejo superaron ao alto meta coruñés. A maraña sofanista foi demasiado densa para a dianteira cormelá e foi Edu, de novo, quen sentenciou para os visitantes.

Zas - Nantón (2-0)

ZAS: Damián, Pereiro, Dani, Mancebo, Oliver, Juan, Lagoa, Rubio (Pastor, min.60), Jaime (Pablo, min.65) (Quintáns, min.75), Peque (Rony, min.55) e Pablo Muíño.
NANTÓN: Martín, David, Eloy, Félix, Diego, Carlos Vidal, Fabio (Ernesto, min.50), Martín, Iván, Manolo e Sito (Bonano, min.25).
Goles: 1-0, min.15: Pablo Muíño; 2-0, min.30: Lagoa.
Expulsión: O zaense Juan no min.44.
Lesión: Sito cun pinchazo e Fabio con sobrecarga.

Chegou en cadro e volven en triángulo o Nantón. Chegaba a San Andrés con só con 2 cambios, que eran os 2 porteiros suplentes, e tiveron que saltar ao campo, pero como xogadores. Así ata con 3 porteiros no céspede de San Andrés xogou o Nantón. O encontro comezaba igualado, con máis ocasións para os de Corredoira, con tiros ao longueiro de Jaime e Pablo Muíño, e varias ocasións de Rubio. O Nantón tamén tivo algunha ocasión, pero xa aos 20 minutos, co 1-0 no marcador, e a lesión de Sito que obrigaba a Bonano a entrar no campo, se lle complicaban as cousas. Así e todo Bonano fixo un partidazo pola banda, pegando varios centros que puideron acabar en gol se Iván estivese máis acertado. O Zas quedaba con 10 na segunda, pero daquela xa estaba tamén o 3º porteiro Ernesto como medio centro. Así e todo, o Nantón foise achegando arriba na segunda metade, embotellando aos locais, pero non estiveron acertados nin Iván, que xogaba arriba no sitio de Luís e fallou dous centros de Bonano, que fixo varias xogadas de mérito por banda, mesmo combinando co outro porteiro Ernesto, que fixo de mediocentro. O propio Bonano fixo lucirse a Damián, e Manolo do Cruceiro tivo unha xa co tempo cumplido que parou Damián, e cando baixou tocou no longueiro e tras un rexeite marcou a córner. En cadro queda agora o Nantón para o partido do domingo ante o Muros, que ademais perde a Manolo por acumulación.

Dumbría B - Castriz (1-1)

DUMBRÍA B: Anxo, Yerai, Martín (Adrián, min.75), David Carreira, José Carreira, Tati, Esteban (Ivanete, min.80), Miguel Poyo, Josiño (Jesús, min.55), Pablo Lestón e Rodrigo.
CASTRIZ: Herrera, Prego, Sergio Pose, Alex, Michi, Toño, Mauri, Martín, Joni (Sergio Gerpe, min.80), Sebas e Iván.
Goles: 0-1, min.60: Joni; 1-1, min.89: Adrián tras unha falta lateral botada por Pablo Lestón.

Moito frío no Conco, onde a motivación dos xalleiros por escapar de baixo foi clave. O Castriz demostrou unha boa actitude a pesar de que ten medio equipo titular lesionado, e quedou con cara de tonto tras facelo todo para levar o partido. Pero viu como se lle escapaban 2 puntos case que no desconto. Primeira metade co control do partido xalleiro e varias ocasións por medio de Martín nunha doble ocasión. A segunda comezaba cun man a man de Mauri que non acertou a adiantar. E tras marcar, o propio Joni marrou outro man a man, e noutra xogada cun 3 para 1 non sentenciu o Castriz. E pagouno. O Dumbría foi mellorando e durante a última media hora levou o peso pero sen profundidade. Ata que no 89, a balón parado empatou o cadro local por medio de Adrián.

Muros - Mazaricos (4-2)

MUROS: Fabio, Marco Antonio, Teo, Jesús (Dani, min.65), Mayuyo, Oscar, Alberto (Mingos, min.80), Yanki, Aitor, Bibi (Gael, min.89) e Sexo.
MAZARICOS: Juan, Casais, Marcos, Tubi, Matías, Ramón, Nakata (Rodri, min.55), Estéfano, Esteban (Kevin, min.46), Brais (Tuco, min.80) e Aldo (Rafa, min.60).
Goles: 0-1, min.25: Aldo; 0-2, min.35: Tubi de cabeza a unha falta lateral; 1-2, min.40: Bibi, de penalti; 2-2, min.65: Bibi, de penalti; 3-2, min.85: Óscar; 4-2, min.90: Yanki.
Expulsións: os mazaricáns Tubi e Marcos.
Lesión: Nakata no xeonllo.

Moi protestada a actuación arbitral por parte dos mazaricáns nun encontro con 2 penaltis e 2 expulsións, todos a favor dos locais. I é que o Mazaricos se puña por diante con 0-2 na primeira media hora levando o control de balón, mesmo con outro gol anulado a pesar de non ter demasiada profundidade. O Muros intentábao a balón parado, pero foi meténdose no partido ata que ao borde do descanso un dubidoso penalti o meteu de cheo na pelexa. Tralo descanso, nova xogada polémica: penalti e expulsión de Tubi que puña o 2-2 e deixaba ao Mazaricos con 10. A partir de aí o Muros se fixo co partido e o Mazaricos desapareceu entre as protestas. Dous goles a balón parado nos últimos 5 minutos deron a vitoria aos locais. Queda en cadro o Mazaricos para o partido vital da semana que vén contra o San Lorenzo, i é que ademais de Tubi e Marcos, perden a Matías e Ramón por acumulación, e a Nakata por lesión.

San Lorenzo - Buño (0-1)

SAN LORENZO: Recarey, Anxo (Miguel Varela, min.80), Canteiro (Tucho, min.50), Quillo, Santi, Adrián, Cachizo, Fuentefría, Carliños, Marcos Bartolo e Javi Pensado.
BUÑO: Brais, Eloy, Alfredo, Ángel, Brais San Luís, Jorge, Ismael, Elías (Rubén, min.59), Juan, Dourado (Miguel, min.65) e Víctor.
Gol: 0-1, min.70: Víctor tras uns rexeites.

Vitoria importantísima do equipo de Esmorís en Verdillo, ante un San Lorenzo que deixou unha boa imaxe pero que se presentaba sen centrais, e que permite aos visitantes escapar da zona baixa. Primeiro tempo igualado, cunha boa ocasión dos visitantes de Dourado, que mandou arriba cando só había que empurrala. Tardou en romperse a igualada e só foi tras varios rexeites e cando faltaban 20 minutos cando Víctor, quen se non, puña por diante aos malpicáns. Puido anular a renda o equipo de Trucho e Puñal, pero Brais parou un penalti ante a desesperación local. No último treito os locais meteron na área ao Buño, con balóns aéreos, pero a falta dos seus centrais (Puñal, Dubra e Casillero) mermaba o seu potencial por arriba.

Fisterra - O Pindo (8-0)

FISTERRA: Joselu, Pana, Santi, Nico (Juan de Elvira, min.46), Manuel Cartamil, Eddy (Marco do Cabo, min.60), Guardiola, Roco, Mané (Rubén Insua, min.76), Roa (Rivas, min.66), Tata.
O PINDO: Diego Garrido, Juan de Fisterra, Álex, Diego León (Julián, min.48), Javi Conexo (Diego Trillo, min.28), Riolo, Carlos Leis, Herminio, Lolo, Manolito, Bicho.
Goles: 1-0, min.10: Roa; 2-0, min.40: Mané; 3-0, min.50: Roa de vaselina; 4-0, min.65: Mané; 5-0, min.75: Mané asina un golazo; 6-0, min.82: Marco do Cabo de córner directo; 7-0, min.84: Pana; 8-0, min.90: Rubén Insua.

Pouca resistencia ofreceu o cadro carnotán ante un Fisterra que cando pode cargar as armas non ten piedade. Así e todo, o cadro carnotán durante o primeiro tempo ata intentou chegar, co vento a favor, á meta de Joselu, pero nin Manolito nin Bicho estiveron finos. A segunda foi unha festa de goles, para os locais, en Ara Solis.

Esteirana - Corcubión (4-2)

ESTEIRANA: Beni, Chispi, Simón, Dani Rama, Suizo (Roi, min.65), Uru, Álex, Andel,, Adrián, Adelino e Róber Pladur (Isma, min.60)
CORCUBIÓN: Cristian, José de Atalaya, Senra, Sancho, Balucho, Camacho, Sebas, Joni (Tarrela, min.75), Miguelón, Lourido e Mario.
Goles: 0-1, min.10: Mario; 1-1, min.25: Adelino, de penalti; 2-1, min.50: Adelino; 3-1, min.75: Adrián; 4-1, min.87: Álex; 4-2, min.90: Tarrela.

Gran partido o disputado por ambos equipos no Xosé Luís Vara Oliveira. Adiantouse o Corcubión, que partía cun bo tridente arriba con Miguelón, Lourido e Mario. Foi o propio Mario o que puña o 0-1. Pouco a pouco a Esteirana foi achegándose á meta de Cristian, e nun protestado polos visitantes penalti, Adelino puxo a igulada. Así se chegou ao descanso, tralo cal o propio Adelino asinaba o 2-1 A igualdade reinaba pero o cansanzo fixo mella nos de Manín que viaxaron só con 12 xogadores. Adrián, a falta de 15 minutos e Alex, a falta de 3, sentenciaban, antes de que Tarrela pechase o partido co 4-2.