Nova xornada completa de #fútboldacosta nesta fin de semana de 11 e 12 de febreiro de 2012. Ademais da competida Liga de Fútbol Sala de Cee, repasamos o acontecido esta xornada.

E comezamos por arriba, onde había un triple choque contra equipos da Mariña, todos en posicións baixas. Derrota sumou o Xallas en Viveiro, mentres que o Soneira acadaba un empate contra o potente Narón (2º) tras unha boa primeira metade pero cun segundo tempo no que quedaban con 9. As boas novas chegaron a Santa Comba, que colleita a primeira vitoria do ano. E boas novas en Dumbría que trouxeron os 3 puntos do campo do pechacancelas.

Na 1ª, parece que o Cee afunde defintivamente trala súa derrota na casa ante o Carral, e xa son 9 puntos os que os distancian da salvación. Pola súa banda o Ponteceso de Marco segue avanzando e xa está na metade superior da táboa tras vencer ao Eume con comodidade.

A xornada da Liga da Costa estaba marcada polo encontro case que do ano, entre os colíderes Club do Mar e Camariñas en Paiosaco. Pero quedou nun empate que deixa todo como está. Ou se cadra non tanto, trala dimisión a finais da semana pasada de Manolín á fronte do Camariñas. Un Camariñas que queda agora nas mans de Pepucho, e que sumaba un punto tras unha moi boa segunda metade.
Polo detrás, o Fisterra non fallaba co Pindo, e no vagón de perseguidores, o Malpica continúa coa súa tremenda racha (11 xornadas sen perder e 9 vitorias seguidas) e superou a todo un Baio, que tamén viña como unha moto. O Sofán tamén parou a marcha do Corme no Cairo.
Por abaixo, o Buño colleitou unha vitoria moi importante en Verdillo que lle permite descansar unha semana máis, deixando aos de Trucho e Puñal na mesma complicada tesitura. Iso si, a derrota do Nantón en Zas mantén aos cabaneses en postos de descenso. Curiosa foi a disxuntiva a que se tivo que enfrontar o Nantón, con 3 porteiros sobre o céspede de San Andrés tras varias lesións...

Na 3ª, continúa a loita tremenda na zona de arriba, na que o Carnota supera ao Cabana no liderato. Os de Cambeiro superaron o complicado escollo do Coristanco e aproveitaron o tropezo do Cabana en Xaviña (parece que non lle sentou ben o parón da semana pasada aos cabaneses). O trío de cabeza o completa o Outes, empatado co Cabana e a tan só 1 punto do líder. Os de Manu Roque e Tomé venceron en Carballo cunha gran imaxe.
Por detras, parece que os Cerqueda, Volantes e Porteño se unen ao segundo vagón, que ocupan por pleno dereito, o propio Coristanco, e o Montelouro.

En xuvenís a Liguilla previa á Fase de Ascenso segue intensa. Dumbría B e Baio suman partidos por vitorias, pero a igualdade parece clara. O Malpica, campión norte, non podía co Santa Comba, e o Cee, campión do Sur, sufría para superar ao Camariñas.

Preferente, xornada 23

1ª Autonómica, xornada 22

2ª Autonómica, xornada 22

3ª Autonómica, xornada 26

Liga Nacional Xuvenil, xornada 21

Liguilla Previa á Fase de Ascenso á Liga Galega Xuvenil, xornada 2

Copa da Costa Xuvenil, Grupo 1, xornada 2

Copa da Costa Xuvenil, Grupo 2, xornada 2

División de Honra Cadete, xornada 21

2ª Cadete, xornada 22

2ª Infantil, xornada 22

Ligas de Veteranos, xornada 20

1ª División

2ª División

Máis información

• www.futboldacosta.com.

Crónicas da semana

• Parte de sancións con aliñación indebida.
• Ligas Xuvenís: O norte golpea primeiro.
• Paixón, ledicia, tristeza, ilusión e moita deportividade nas Finais das LCFs.
• 3ª Autonómica: Fin de semana sen sorpresas pero con sobresaltos.
• 2ª Autonómica: O grupo de perseguidores ameanzan o triunvirato.
• 1ª Autonómica: Derrota triple.
• Preferente: Dous cara arriba e dous cara abaixo.
• Resultados da fin de semana no #futboldacosta.

Máis novas

• Vídeo entrevista de Anxo Garrido con José Carlos e Piña.
• A SCD Malpica chega á Univesidade.
• Alberto Pose: Unha de formación dos formadores do fútbol da Costa.
• O Plan Competicional e a Liga á carta.

Fonte

• Redacción de Deportes de QPC (deportes@quepasanacosta.gal).