A Esteirana fixo sufrir ao Zas-Foto-Alejandro Mel Bazarra, a estación de servizo máis eficiente, patrocina a Liga da Costa. Coñécenos en www.bazarra.com O partidazo da xornada xogábase na Pedra do Ouro, onde o Mazaricos confirmou a súa candidatura ao título vencendo a un dos máximos aspirantes, como era o Ponteceso. Foi nun partido moi tenso, non falto e polémica, que deixa ao cadro de Néstor a só 4puntos do liderado, superando xa ao equipo de Barca. Por arriba non fallou o Zas, pero tocoulle sufrir ante un gran Esteirana. E dos 7 de arrriba, fallou tamén o Baíñas, ante unCerqueda que parece que lle ten tomada a medida. En todo caso, só separan 8 puntos ao Zas do equipo de Corredoira, polo que aínda queda moito por decidir. Por abaixo, as malas liñas de Ameixenda, Cabana e Carnota van provocando cambios. Os ceenses estrearon, sen sorte, adestrador, con Raúl Periscal no banco. E a nova derrota dos cabaneses provocou a dimisión de Tono e Ordóñez.  

Mazaricos - Ponteceso (1-0)

• Mazaricos: Miguel, Miguel, Marcos, Matías, Ricardo, Ramón (Brais, m.60), Ferreiro (Molinos, m.70), Brais, Estéfano (Tuco, m.85), David e Chenel (Martín, m.89).
• Ponteceso: Xurxo, Juanma, Charly, Adrián, Collazo (Youssef, m,75), Laik, Baba, Recarey, Puente, Mendieta e Dieguito (Ismail, m.65).
• Gol: 1-0, m.44: Ramón remata unha falta botada por Estéfano.

Partidón da Liga da Costa Completo, con un pouco de todo, o partidazo da xornada da Liga da Costa. Un choque que deixa ao Mazaricos por riba do Ponteceso e a só 4 puntos do liderado. Unha vitoria xusta para os amarelos e unha derrota moi protestada polos visitantes pola actuación arbitral, pois considera que o colexiado fixo a vista gorda nas áreas e malia que os dous foron perxudicados, consideran que o Ponteceso saíu peor parado. Comezou o Mazaricos máis metido no partido, máis afeito ao céspede da Pedra de Ouro, moi blando e esbaradizo. A primeira metade foi de tanteo, sen demasiadas ocasións, pero o partido tiña un ton amarelo, que se refrendaba cun gol ao fío do descanso tras unha xogada a balón parado. Subiu unha marcha o equipo de Barca na segunda, levando o control do balón e moito perigo a balón parado aproveitando ademais o vento a favor. Miguel fixo varias paradas de mérito, e o Ponteceso pedíu un par de agarróns e mesmo unhas mans dentro da área local que o colexiado non viu. Á contra puido sentenciar tamén o cadro amarelo, que soubo aguantar con oficio ata o longo desconto.  

Zas - Esteirana (3-1)

Zas-Esteirana-Foto-Alejandro Mel

• Zas: Tívoli, Martín (Sande, m.6), Josito, Manu, Dieguiño (Diego F., m.60), Rubén Forján, Adri (Cili, m.88), Isma, Dani (Pablo, m.83) e Chapela.
• Esteirana: Roberto, Code, Tobío, Rada, Adrián, Martín, Marcos, Alex, Andel, Pablo (Brais, m.88), Campos e David (Simón, m.25).
• Goles: 1-0, m.50: Chapela remata un pase de Rubio; 1-1, m.58: Álex dende a frontal; 2-1, m.70: Chapela oportuno aproveita un rexeite do porteiro; 3-1, m.83: Rubio en xogada persoa.

Sufriu o líder Fixo sufrir a Esteirana a un líder que non puido conta co seu pichichi David Blanco e que tardou en sentenciar o partido. Comezou mellor o cadro local, e Chapela e Rubio avisaban pero Roberto atallaba ben os disparos. Seguía o choque igualado na primeira metade, cunha Esteirana facendo unha gran presión, e xa contra o final chegaban dúas boas ocasións, unha de Dani para os locis e outra de Rafa para os visitantes. Comezaba a segunda metade co tanto de Chapela que adiantaba aos zaenses. Dieguiño tivo o segundo tras un rexeite do porteiro a unha falta de Chapela, pero a Esteiraba comezaba a estirarse. Alex facía xustiza e empataba dende a frontal. Pero de novo Chapela puña en vantaxe aos locais. Seguían presionando os blaugranas pero vironcomo o partido se marchaba cando Rubio, nunha boa xogada persoal, sentenciaba o choque. Puido levar máis premio a Esteirana de San Andrés, pero este líder leva 5 vitorias e un empate nas 6 últimas xornadas. Bo partido da Esteirana en San Andres-Foto-Alejandro Mel  

Carnota - Coristanco (2-4)

• Carnota: Peipo, Tono, Manolo Chouza (Berni,m.50), Pedro Pichín (Cibrán, m.50), Adrián; José Ángel, Miguel, Nakata (Oreiro, m.55), Pumuki, Raúl e Óliver.
• Coristanco: Herrera, Mato, Iván, Pablo, Samuel (Marcos, m.85), Alexis (Álvaro, m.49), Pazos, Toni, Ivi (Joaquín, m.80), Magovi (Mallón, m.70) e Gonzalo.
• Goles: 0-1, m.20: Samuel; 0-2, m.35: Iván de penalti cometido sobre Gonzalo; 0-3, m.50: Magovi; 1-3, m.55: Cibrán de tiro lonxano polas escuadra; 2-3, m.65: Oreiro de tiro lonxano polas escuadra; 2-4, m.94: Gonzalo nunha contra.

Escapando ou afundindo do descenso Dura derrota para os locais e clave vitoria para os visitantes na loita por evitar o descenso. Os de Da Silva saíron máis enchufados, mellor asentados no campo e creando algunha ocasión cara. Ivi, Gonzalo e Magovi prantábasen diante de Peipo pero este lles gañaba a partida. Foi Samuel, nunha xogada individual o que adiantaba aos seus e pouco despois, antes do descenso, tras un penalti, Iván anotaba o 0-2. Nada máis saí dos vestiarios Magovi facía o terceiro e parecía que sentenciaba o choque. Pero Cibrán e Oreiro, que saíran na segunda, marcaron sendos golazos para meter ao Carnota de cheo no partido. Volcouse o Carnota sobre a meta de Herrera, e cando máis cerca estaba o empate, na última xogada do partido, Gonzalo sentenciaba o choque.  

Cee - Porteño (0-0)

• Cee: Paulo, Nico, Borja (Andrés Trillo, m.75), Aitor, Chiru, Penedo, Esteban (Piquero, m.20), Josiño (Jorge, m.65), David, Leo e Dani.
• Porteño: Martín, Pejo, Oli, Caamaño, Manue, Doyle, Quilmes, Iago (Rodrigo, m.65), Porto (Martín, m.82), Cristian e Wii (Marcos, m.75).

Atraco? Considera Cambeiro que o partido foi un atraco dun árbitro fisterrán en Cee. Pediron os locais dous penaltis sobre Leo e Penedo, tras un choque nos que os ceenses dominaron con bastante claridade pero sen demasiadas ocasións claras. O vento xogou a favor dos ceenses na primeira metade, pero non chegaban grandes ocasións. Wii tivo unha para os visitantes dentro da área. Subíu a defensa o equipo de Pupus na segunda, pero os ceenses seguían dominando o control do esférico e case marcan nunha ocasión. Chegaron aí as dúas posibles penas máximas que viron case todos agás o colexiado.  

Camariñas - Ameixenda (3-2)

Camariñas-Ameixenda-Foto-Camariñas

• Camariñas: Pablo, Vicente, Maikol, Kevin, Niko, Paco, Moriño, David (Pablo Suárez, m.65), Sule, Yuyo (Rodrigo, m.85) e David Vieites (Meular, m.55).
• Ameixenda: Maikel, Jorge, Javichu, Bichiño, Antón Lestón (Grille), Álex, Demetrio (Rafa), Serginho, Bicho (Brais), Borja e mario.
• Goles: 0-1: Mario; 1-1: Yuyo; (descanso); 2-1: Paco; 2-2: Bichiño; 3-2: Paco.
• Expulsións: os localis Paco e Sancho.

Camariñas-Ameixenda-Foto-Camariñas Alta tensión Partido de alta tensión no Hermanas Patiño polo que se xogaban os dous conxuntos. Foi un toma e daca, tanto de ocasións como de estopa. O Ameixenda, xa con Raúl Periscal no banco, estivo algo espeso e falto de tranquilidade co balón. Tivo algunhas ocasións a balón parado pero ten marxe de mellora tras 12 xornadas sen gañar. Comezou marcando o equipo visitante a balón parado por medio de Mario, e antes do descanso puideron empatar os locais tras cun gol de Yuyo e mesmo poñerse por diante por un posible penalti sobre un Moriño que fixo un partido espectacular, coma sempre. Na segunda Paco anotaba un golazo dende fóra da área para meter por diante aos de Javi Baña, pero Bichiño empataba de novo. Paco convertiríase no protagonista total do partido marcando outro golazo de falta por toda a escuadra, e despois sendo expulsado. Paco en toda a súa esencia.  

Cerqueda - Baíñas (3-2)

Cerqueda e Baíñas saltando ao campo de Xaviña-Foto-UD

• Cerqueda Diego, Darío, Uru (Jon, m.62), Atu, Dano, Sergio (Brais, m.60), Luchi (Gemelo, m.60), Manu (Jonás, m.83), Martín (Martín, m.63), Lorenzo e Fer.
• Baíñas: Joselu, Cristian (Jaime), Mario Casal, Alemán, Matías; Jorge, Miguel, Cabeza (Canay), Dani Casal; Javi Suárez e Pablo Muíño.
• Goles: 1-0, m.10: Martín aproveita unha indecisión da zaga visitante; 1-1, m.18: Dani Casal de penalti; 2-1, m.30: Manu Guillamet coa axuda dun defensa; 2-2, m.40: Pablo Muíño; 3-2, m.93: Eloy nunha contra.
• Expulsión: o visitante Mario Casal.

Unha contra in extremis Un gol no desconto nunha perfecta contra deulle a vitoria ao Cerqueda ante un dos aspirantes ao título. O equipo de Corredoira non se meteu no partido en ningún momento, algo mellor na segunda metade, ante un Cerqueda que soubo aproveitar os erros do rival. Os de Emilio Uzal sabían o que tiñan que xogar, ben armados ante todo un equipazo e aproveitar as súas ocasións. Aproveitaron o primeiro regalo os locais pero pronto o devolveron cun penalti tan claro como absurdo que Dani Casal, estreando a camisola verde, non desaproveitou. Estaba o Cerqueda mellor prantado e se colocaba por diante á media hora, pero unha nova indecisión entre Dani e Diego deixaba a Pablo Muíño facer o empate. Mellorou o Baíñas na segunda, máis mandón, ante un Cerqueda que esperaba atrás e buscaba as contras. Tivo a balón parado algunha o Baíñas, como o último córner, xa co partido esmorecendo, e tralo que o Cerqueda armou unha contra, e entre Gemelo, Darío e Eloy anotaban o gol da vitoria local para o deleite da parroquia cerquedá. Este foi o gol de Eloy no min.93 para darlle a traballadísima vitoria ao Cerqueda. [fbvideo link="https://www.facebook.com/union.cerqueda/videos/1021983874531660/" width="650" height="400" onlyvideo="1"]  

Volantes - Castriz (3-4)

• Volantes: Rubén, Tiko (Mingos, m.55), Javi, Juan, Pablo, Roi, Pardelo (Mou, m.80), Kajulo, Piki, Andel (Uru, m.70) e Iago.
• Castriz: Añón, Gemelo, Miki, Uru, Alex, Maneiro, Dani, Bolón, Iván, Darío Capelo, Alex Flores. Tamén xogaron: Serrucho e os xuvenís Richi, Víctor e Roony.
• Goles: 1-0, m.9: Darío chuta, toca nun defensa e entra; 1-1, m.22: Piki aproveita un erro da defensa; 1-2, m.37: Iván a pase de Álex Flores tras xogada con Darío; 1-3, m.41: Álex Flores tras un córner; 1-4, m.51: Darío; 2-4,m .62: Iago a pase de Andel; 3-4, m.89: Javi de tiro cruzado.

De erro en erro Partido moi condicionado polos erros cometidos dos dous equipos. O Volantes, tremendamente guerreiro, pero sen Yanki, tocado, puxo contra as cordas a un Castriz que segue aspirando a todo. Adiantaríase pronto o equipo de Esteban Blanco tras un tiro de Darío que toca nun defensa e descoloca a Rubén, que nada pode facer. Pouco despois chegaba o primeiro regalo da defensa xalleira, cun balón longo que non despexa e deixa a Piki só diante de Añón. Pero nos últimos 5 minutos do segundo tempo, a pegada dos xalleiros notouse no Eleuterio Balayo, meténdose co 1-3 antes do descanso. Saíu o Castriz enchufado na segunda e Darío facía o cuarto, que parecía sentenciar o choque. Naa máis lonxe da realidade. O Castriz confiouse e o Volantes foi crecendo cos minutos. Iago marcaba e o Volantes incordiaba, e mesmo marcaba o terceiro xa case que co tempo cumplido. Acabou pedindo a hora o Castriz pero salvou os puntos.  

Cabana - San Lorenzo (0-6)

• Cabana: Vázquez, Valiña, Raúl, José Cabana, Grille (Aurelio 56) Fernando (Diego), Adrián, Miki, Adán (Reigia, m.70), Manolo e Santi.
• San Lorenzo: Javi Souto (Puyol, m.60), Isaac, Kevin, Juanjo, Rubén, Álex Taibo, Álex Figueiras, Parafita, Fuentefría (Adrián m.65), Luís (Anxo m.30).
• Goles: 0-1, m.9: Luís; 0-2, m.39: Isaac; 0-3, m.50: Fuentefría; 0-4 m.60: Dani Pena; 0-5, m.65: Álex Figueiras; 0-6, m.80 Isaac.

Triste despedida de Tono e Ordóñez O presidente Michel toma o mando do banco do Cabana 6 derrotas e un empate nas últimas 7 xornadas son demasiada lousa para a parella de adestradores do Cabana, Tono e Ordóñez, que presentaron a súa dimisión. O San Lorenzo foi demasiado rival para un Cabana que aguantou a primeira metade, pero que ao comezou da segunda, cando se veu abaixo no marcador e baixou os brazos. Toma o mando do equipo, segundo nos confirma a directiva, o presidente Míchel, coa axuda de Pablo, directivo que tamén está botando unha man cos xuvenís.  

Fisterra - Buño (6-3)

• Fisterra: Ángel, Muni (Manuel Cartamil, m.46), Julito (Cote, m.46), Robertín, Dani, Roco, Pablo Lestón, Bruno, Roa, Adrián Makaay (Santi, m.80) e Mané (Adri, m.70).
• Buño: Toni, Miguel, Dimitri, Pablo, Gesto, Emilio, Dani, Gurita, Juan, Víctor (Alex) e Richard.
• Goles: 0-1, m.15: Juan Antelo; 1-1, m.25: Mané remata a pracer un pase de Adrián Makaay; 1-2, m.30: Víctor remata uncórner botado por Pablo; 1-3, m.40: Juan Antelo nunha contra; 2-3, m.65: Mané de penalti sobre Cote; 3-3, m.70: Mané remacha a pracer outro pase de Adrián Makaay; 4-3, m.75: Adrián Makaay; 5-3, m.80: Bruno; 6-3, m.85: Manuel Cartamil nun córner.

Ruxiu Ara Solis Facía máis ruído Ara Solis que Riazor cando o Buño se colocaba 1-3 á volta do descanso. Os 200 siareios fisterráns espolearon aos seus para facer unha remontada tremenda ante un cadro malpicán que chegaba curto de efectivos e ao que lle sobraron os últimos 20 minutos. Comezaba pegando o Buño, pronto empataba o cadro local, pero o Buño metería dous novos tantos antes do descanso, aproveitando cada chegada. Non estaba tan efectivo o equipo verde que fallaba varias ocasións e mesmo pediu un penalti antes do descanso. Bruaba Ara Solis, e o vendabal de vento acompañouno o do fútbol fisterrán, ante un Buño ao que xa lle fallaban as forzas. Comezou a facer dano a dinamita local, e Mané, Makay e Bruno sentenciaron o partido rapidamente, facendo sangue dun rival batido.  

Máis información

• O cadro da Copa da Costa 2016.
• As táboas de resultados e clasificacións en www.futboldacosta.com. Piquen dende o seu teléfono e pulsen “Engadir a pantalla de inicio”, para ter sempre os resultados no peto.
• A actualidade no Facebook “Fútbol da Costa”.

Fonte

• Redacción QPC (info@quepasanacosta.com).