Impresionante ambiente en Ara Solis para ver o Fisterra-Cee ante os Rapacollóns-Foto-Darío Gómez Bazarra, a estación de servizo máis eficiente, patrocina a Liga da Costa. Coñécenos en www.bazarra.com Xornada fundamental esta para a a Liga da Costa. Coa emotivadade a flor de pel celebrouse un ninuto de silencio polo falecemento de Abdoulaye en todos os campos, e o máis emotivo o de Ara Solis, onde estaba o presidente do Muxía presente, e a ovación das 2000 persoas fixo tremer os cimentos das emocións. Era un dos dos partidos da xornada, e case da temporada, pois meter a 2000 persoas nun campo de 2ª Autonómica non é doado. Pero a afección verde está volcada co seu equipo, que queda a un paso do título e do ascenso. I é que no outro gran foco de atención, o San Lorenzo, despois de borrarse da loita polo título, endosou unha vitoria ao Zas que lle pode significar un título aos zaenses, pois se vence o Fisterra en Camariñas a vindeira xornada, será matematicamente campión da Liga da Costa 2015/2016. O barco fisterrán rema cara bo porto. Por abaixo, a cousa tamén está ben rabuda. Os devanditos arrastres poñen en perigo (se non hai ascensos dos equipos que promocionen da 1ª ou desta 2ª) a 3 equipos, ademais dos xa descendidos Cabana e Carnota. O Volantes dicía practicamente adeus á categoría nun partido de infarto que parecía que tiña gañado. Do resto de equipos implicados só vencía o Buño, que respira, deixando atrás a Porteño e Ameixenda, que se complicaron a vida con sendas derrotas. Aínda o Coristanco, despois de verse superado polo Buño, non pode respirar tranquilo. Quedan dúas xornadas de verdadeiro fútbol da Costa.  

Porteño - Ponteceso (0-1)

11 do Porteño ante o Ponteceso-Foto-Sd

• Porteño: Martín, Manu, Pejo, Jorge, Gabi, Canosa, Quilmes, Cachi, Abel, Mario Toja e Iago.

11 do Ponteceso na Grixa-Foto-SD

• Ponteceso: Xurxo, Juanma (Adrián, m.78), Charly, Baba, Pablo Regueiro, Iago, Mendieta, Yago (Ismail, m.60), Dieguito, Nando, Youssef (Iván, m.82).
• Gol: 0-1, m.63: Iago de penalti.

Porteño e Ponteceso gardando un minuto de silencio por Abdoulaye- Foto - CF Xogando con lume Necesitaba os puntos o Porteño para sair do pozo, pero atopouse cun Ponteceso moi entonado, dominador, que se adaptou ben ao tapete da Grixa. Primeira metade sen apenas ocasións e un Porteño que parecía con medo a cometer erros. Na segunda, un penalti decidiría o choque a favor dos pontecesáns. A partir de aí tivo o Porteño 10 minutos de perigo, e con varias accións a balón parado tivo moi preto o empate. Derrota que deixa ao Porteño en situación complicadísima. Imaxe do Porteño-Ponteceso-Foto-SD  

Cerqueda - Cabana (1-2)

• Cerqueda: Diego Dourado, Sergio (Bastón, m.70), Dani, Javi Pazos, Jon, Guillamet (Darío, m.46), Fernando, Brais (Javi Gemelo, m.46), Eloy, Lorenzo e Martín.
• Cabana: Vázquez, Grille (Rubén, m.77), Jose, Ismael, David, Adrián, Alejandro, Manolo, Christian (Michael, m.77), Daniel (Diego, m.82) e Fernando.
• Goles: 0-1, m.44: Fernando; 0-2, m.53: Jose; 1-2, m.76: Javi Gemelo.

Cerqueda-Cabana no minuto de silencio-Foto-Cerqueda Partido estrano Segunda vitoria para este Cabana, xa descendido dende hai tempo, ante un Cerqueda adurmiñado. Comezou moi ben o equipo de Míchel e Pablo, máis metidos no partido, que fixo sufrir ao Cerqueda nos primeiros minutos. Tímidas chegadas non remataban en gol polas imprecións dos dianteiros e as boas actuacións dos porteiros, ata que ao fío do descanso Fernando abría o partido marcando para o pechacancelas, xusto despois de que o cerquedán Martín mandase un remate ao longueiro. Adiantaba filas o cadro local e saía con máis intensidade, pero nun córner o Cabana anotaba o segundo (entraban as que non quixeron entrar durante toda a Liga). Foi un mazazo para os locais que o intentaron ata o final, recurtaron pero non puideron chegar ao empate. Cerqueda-Cabana-Foto-Cabana  

Fisterra - Cee (3-0)

Impresionante ambiente en Ara Solis-Foto-Darío Gómez

• Fisterra: Norberto, Piti; Dani (Manuel Cartamil, m.70), Roco, Robertín, Cote, Rodrigo (Julito, m.65), Bruno (Abel, m.65), Jesús, Adrián Makaay (Adrián, m.80) e Mané (Pablo Lestón, m.55).
• Cee: Ángel, Nico, Jacobo, Jorge (Andrés, m.75), Borja, Xavi (Álex, m.70), Aitor (Josema, m.65), Leo, Chiru e Lamela (Penedo, m.55).
• Goles: 1-0, m.15: Jesús; 2-0, m.35: Adrián Makaay marca un golazo impresionante de volea; 3-0, m.65: Adrián Makaay de penalti.

Emotivo minuto de silencio en Ara SolisFoto-Dario Gomez O Capitán apareciu ante a marea verde 2000 persoas son moitas persoas “dedios” para un partido da 2ª Autonómica. E Ara Solis volveu ser un sambódromo espectacular, cunha afección incrible, que ademais demostrou o maior do respectos cun minuto de silencio que puxo os pelos de punta, en presencia do presidente do Muxía Felipe Vilela. Arrincaba o choque pero a presión parecía facer mella nos de Nacho. Custoulle entrar no partido ao ao cadro fisterrán ante un Cee, cheo de xuvenís, que deu unha boa imaxe ante un equipo bastante superior, pero que non tivo fe para facerlle dano a un Norberto que parece que leva un mes de vacacións. Marcou Jesús e mellorou algo o equipo, pero aínda así non estaba ben o cadro local. E cando máis o necesitaba, apareceu o capitán, cun golazo espectacular, tras controlar co peito un balón de saque de banda, empalmar de volea e arrincar as telarañas da escuadra. O Capitán Adrián Makaay volveu aparecer para marcar, por partida doble, co Fisterra-Foto-Dario Gomez Cambiou o partido este tanto, pois o Cee veuse lixeiramente abaixo e o Fisterra comezou a combinar con tranquilidade. O propio Adrián Makaay marcaría outro tanto que lle serve na súa loita polo pichichi (repasarémolo esta semana) con David Blanco, que ademais non podía xogar en Verdillo. Así celebraban a vitoria os fisterráns ante o seu público: [fbvideo link="https://www.facebook.com/lauracastreje/videos/10206089145054260/" width="660" height="400" onlyvideo="1"]  

Castriz - Carnota (4-0)

• Castriz: Añón, Miguel Suárez (Martín, m.65) Maneiro, Alberto (Sergio, m.75), Chinda, Bruno, Luís (Iván, m.15), Darío, Fabián, Bolón e Elías (Mata, m.55).
• Carnota: Andrés, Berni, Manolo Chouza, Pedro Pichín, Adrián, Jose Ángel, Nakata, Oreiro, Oli Adrián e Cibrán (Manuel Luís, m.50).
• Goles: 1-0, m.3: Darío; 2-0, m.51: Chinda; 3-0, m.60: Bolón; 4-0, m.75: Fabián.
• Expulsión: Pedro Pichín por protestar un posible fóra de xogo no terceiro gol.

Sen complicacións Solventou o Castriz o partido ante un Carnota que aguantou ben a primeira metade, a pesar do gol inicial dos xalleiros. Adrián fallaba diante do porteiro o que puido ser o empate, pero a partir de aí o partido calmouse ata o descanso. Comezaba a segunda co tanto de Chinda, e o terceiro provocaba a expulsión de Pedro por protestar un posible fóra de xogo. Aí remataba xa o partido.  

San Lorenzo - Zas (3-0)

• San Lorenzo: Javi, Isaac, Juanjo, Rudy, Kevin (Dani Pena, m.75), Taibo (Anxo, m.73), Fraga (Mario, m.46), Álex Figueiras, Juni (Javi Puñal, m.8), Parafita e Luís (Adri, m.70).
• Zas: Bugy (Tívoli, m.55), Rubén Forján, Braulio (Adri, m.40), Josito, Diego F., Sande (Martín, m.71), Isma, Manu, Rubio, Dani e Chapela (Dieguiño, m.12).
• Goles: 1-0, m.60: Mario aproveita un pase de Luís; 2-0, m.66: Parafita a pase de Juni; 3-0, m.82: Parafita a pase de Ález Figueiras.
• Expulsión: Rubén Forján no m.3.
• Lesións: os visitantes Chapela, Braulio e Bugy.

Non era o seu día Non foi o día do Sporting Zas na súa visita a Verdillo. O partido estivo moi condicionado pola tempraneira expulsión de Rubén Forján. O colexiado sinalaba ademais os 11 metros, pero Bugy conseguía parar a pena máxima a Álex Figueiras. Quedaban 87 minutos cun home menos, e as lesións de Chapela, Braulio e Bugy daban conta de que os xogadores nunca se adaptaron á herba natural do campo de Verdillo. O San Lorenzo, que se borrou da lista de candidatos ao título con varios inesperados tropezos estas pasadas semanas, levaba a iniciativ dende o comezo. Luís, Parafita e Juni puideron ter aberto o marcador na primeira metade. Comezaba a segunda cunha chegada do Zas e un remate de Dieguito nun córner. Pero o balón sería sendo dos locais. Mario adiantaba aos locais e Parafita aumentaba pronto a renda. Intentouno o Zas cun tiro de Rubio que para con complicacións Javi, e con dous córners pechados. Pero o partido era sentenciado por Álex Fiegueiras preto do final. A nova deuna Pedro Gómez ao remate do partido, comunicando aos xogadores que non seguirá no equipo a vindeira temporada, a pesar do gran curso que fixo o equipo, aínda con pequenas opcións de pelexar a praza de promoción.  

Baíñas - Mazaricos (0-0)

• Baíñas: Joselu, Matías, Samuel (Pablo Rey), Mario Casal, Carlos, Jorge, Dani Casal, Cristian, Javi Suárez, Eloy Cabeza (Héctor) e Taski (Tantán).
• Mazaricos: Iván, Miguel (Molinos, m.60), Marcos, Matías, Ricardo, Pereiro, Ferreiro (Martín, m.75), Brais (José Ángel, m.65), Estéfano, David (Raúl, m.80) e Chenel.

Derbi sen tensión Empate en Vimianzo nun derbi de veciños sen apenas tensión, cos dous equipos con moitas baixas. Partido igualado, sobre todo na primeira metade, na que Mario Casal e Cristian non estiveron acertados. Mellorou o Mazaricos na segunda, e Joselu fixo 3 boas intervencións a tiros de Monitos, José Ángel e Ricardo.  

Ameixenda - Esteirana (2-4)

• Esteirana: Ponte, Anxo, Sui, Rafa, Toby, Adrián (David), Martín, Pachín (Xian), Pablo, Álex e Campos (Carlos).
• Ameixenda: Óscar Riolo, Jorge, Demetrio, Bruno, Javichu, Samuel (Brais, m.46), Jesús, Grille, Brais, Borja e Rafa (Trillo, m.53).
• Goles: 0-1, m.36: Pablo; 0-2, m.42: Álex; 0-3, m.60: en propia meta tras un tiro de Pablo; 1-3, m.68: Brais; 1-4, m.70: Carlos, o cadete, marcou un golazo dende fóra da área; 2-4 m.90: Brais.
• Expulsión: o esteirán Rafa no m.75.

Ponse difícil Ponse a salvación moi complicada, por mor dos devanditos arrastres, para o Ameixenda. A Esteirana (na que os cadetes e xuvenís están facendo un gran traballo ás ordes dun bo Lodeiro) foi superior, sobre todo durante o primeiro tempo no que se puxo cun 2-0, controlando ben o balón, aproveitando a velocidade polas bandas e chegando con moitos homes arriba. Así chegarían os dous primeiros tantos, con balóns por banda, no treito final do primeiro tempo. Na segunda o Ameixenda estiraríase un pouco e crearía máis perigo, pero nun balón roubado no medio do campo prantaríase Pablo só contra o porteiro e no rexeite un xogador da ameixenda meteria en propia. Quedaría con 10 a Esteirana e o Ameixenda intentábao a base de corazón. Brais recortaría e co 1-3, Jesús mandou ao longueiro. Pero o cadete Carlos sentenciaría o partido co golazo da tarde.  

Volantes - Camariñas (3-4)

• Volantes: Caamaño; Juan do Sivil, Álvaro (Yanki, m.89), Dani, Javi, Pardelo, Andel (Julio, m.63), Álex, Mou, Ivi e Ramón.
• Camariñas: Pablo, Niko, kevin (Joseva, m.50), Maikol, Rodrigo, Paco, Moriño, Sabiola (Sancho, m.46), Vieites, Sule e yuyo.
• Goles: 0-1, m.25: Yuyo; 1-1, m.37: Juan do Sivil; 2-1, m.48: Dani; 3-1, m.62: Andel; 3-2, m.67: Yuyo de penalti; 3-3, m.77: Niko; 3-4, m.78: en propia meta.
• Expulsións: Juan do Sivil e Yanki no m.89.

Partido de tolos Menudo partido de tolos en Muros que deixa ao Volantes virtualmente na 3ª Autonómica. E iso que o equipo laranxa parecía que tiña o partido controlado despois de remontar o 1-0 inicial e colocarse 3-0 con menos de media hora por diante. O Camariñas, que chegaba coxo de efectivos polo San Xurxo, tirou de Yuyo, de novo estelar, con dous tantos e unha asistencia. Niko e un tanto en propia meta daban a volta á tortilla no último cuarto de hora.  

Coristanco - Buño (1-4)

• Coristanco: Marcos (Joni, m.50), Rubén (Damián, m.60), Iván, Mato (Jorge, m.50), Pablo (Samuel, m.50), Lagoa (Toni, m.55), Ivi, Gonzalo e Magovi.
• Buño: Toni, Miguel, Dimitri, Eloy, Fran, Emilio (Castro), Jordan (Pedro), Dani Calvete, Alex (Gurita), Richard e Víctor (Pablo).
• Goles: 0-1, m.29: Víctor de cabeza nun corner sacado por Fran; 0-2, m.36: Eloy de cabeza unha falta sacada por Dani Calvete; 0-3, m.41: Dani Calvete nun rexeite dentro da área; 1-3, m.60: Ivi; 1-4, m.75: Víctor nunha indecisión da defensa.

Ao fío do descenso Dous equipos que andan moi pendentes dos arrastres enfrontábanse na Rocheira. Foi un partido moi físico con moi pouco fútbol e moito xogo directo, no que os malpicáns foron máis efectivos. Saiu mellor o Buño, controlado o xogo e facendo dano a balón parado. Así se adiantaba cedo, mentres os Gonzalo e Ivi non acertaban as súas para os verdes. No treito final da romeira chegarían outros dous tantos para os visitantes. Na segunda saíría mellor o Coristanco, que recurtaba e tiña os seus mellores momentos. Gonzalo e Ivi volveron ter as súas, pero Toni estivo máis acertado. Nunha contra, Víctor asinaría a sentencia. Métese en líos o Coristanco, pero a derrota do Porteño permitélle depender de si mesmo.  

Novas relacionadas

• Crónica de Guillermo Parga do ascenso do Soneira: Nunca agardei menos de ti.
• Consternación costeira pola morte dun xogador do Muxía de 15 anos.
• Os arrastres provocarían a día de hoxe o descenso de Xallas, Baio, Corme, Buño, Ameixenda e Volantes.
• Noé e Geiko, os premios Zamora e Pichichi da 3ª da Costa.
• Rikísimo ascenso.
• O Laxe é novo equipo da 2ª Autonómica!.

Máis información

• Os cadros da Copa da Costa 2016.
• As táboas de resultados e clasificacións en www.futboldacosta.com. Piquen dende o seu teléfono e pulsen “Engadir a pantalla de inicio”, para ter sempre os resultados no peto.
• A actualidade no Facebook “Fútbol da Costa”.

Fonte

• Redacción de QPC ([email protected]).