Seguen as 3 loitas máis abertas que nunca. Por arriba, o IDC non pasaba do empate, e gracias, anteo Nantón, quedando en 4 puntos a súa vantaxe sobre Porteño e Camelle. Os cadros camariñáns, protagonizan ademais unha dura loita pola segunda praza de ascenso directo, sempre que os carballeses aguanten o tirón e estiren a xeira de 16 xornadas sen perder.
Por detrás, a loita polas 3 prazas restantes de promoción segue tremenda. Co Soneira B un paso por diante (saca 9 puntos ao 7º), o Cerqueda daba un paso de xigante tras vencer, con moitísimos apuros, ao Laxe. Así e todo, o cadro cerquedán queda con 5 puntos sobre o Ameixenda, 6º, e con 6 sobre o propio Laxe 7º , pero 6 puntos irreais, pois o Cerqueda (e o Ameixenda) aínda teñen que descansar, e o Laxe ten aínda que sumar os 3 puntos do filial fisterrán.

Caso aparte foi o partido do Lira-Ameixenda, cun esperpento arbitral que rematou con 6 expulsados e cun empate que nin lle serve nin lle doe a ningún dos dous, que manteñen as súas esperanzas.

Indep. Carballo - Nantón (2-2)

• IDC: Noe, Efrén (Adrián, min.78), Scott (Toni, min.38), Dani Rosalía, Jonathan, Carlos, Cholo, Mario, Benítez, Belar e Velo (Moreno, min.50)
• NANTÓN: Bonano, David, Eloy, Félix, Diego, Carlos Vidal, Fabio, Amado, Luís, Martín, Iván, Cachi, Erni, Carlos Santos, Borja.
• Goles: 0-1, min.23: Luís; 1-1, min.42: Mario a centro de Belar; 2-1, min.55: Mario dende lonxe; 2-2, min.90: David Lareu tras un córner e tras tocar nun defensa.

Partido emocionante e moi serio do Nantón que puxo en moitos problemas ó Independiente e mesmo mereceu a vitoria. I é que o cadro de Da Silva saíu durmido e tardou en entrar no partido.
Así e todo, empezou o partido sen un dominador claro, con moitas alternacias na posesión do balón e poucas ocasións de gol, ata que no minuto 23 se adiantou o Nantón por medio de Luís tras una boa triangulación con centro de Iván. O Independiente non atopaba o camiño cara a portería de Bonano pero no minuto 42, cando parecía que ía chegar o descanso con ventaxe para os visitantes, una internada por banda dereita e un medido centro con remate impecable de Mario puña as tablas no marcador.

Esto fixo espertar ó Nantón que en apenas un minuto creou tres claras ocasións de gol. Así, tras saque de centro, un balón colgado ás costas da defensa local é recollido por Luís que con toda a portería para el envía por encima do longueiro. Na xogada seguinte o centro do campo do Nantón volve a recuperar o balón e, tras un pase medido, Iván queda solo diante do porteiro, que consigue rexeitar o disparo. É o mesmo Iván o que volve a recoller o rexeite e vendo ó porteiro adiantado intenta un disparo que se estrela no longueiro da portería local. Con esta xogada chegouse ó descanso.

Na segunda parte o partido non cambiou moito, aínda que o Independiente veuse arriba. No minuto 55 o Independiente pon o 2-1 tras un preciso disparo de Mario dende a esquina da área que se cola polo pau esquerdo da portería de Bonano. Golazo.
Sen embargo o Nantón non se veu abaixo e seguiu crendo nas súas posiblidades. No minuto 70 Carlos Santos volve estrelar o balón no longueiro da portería local tras unha boa execución nun saque de falta. Aí Cholo tivo dúas contras para sentenciar pero non estivo acertado. No minuto 90 é Carlos Vidal o que volve estrelar o balón no longueiro tras un remate de cabeza á saída dun corner. No 91 dispara Cachi e o balón sae lambendo o longueiro tras rexeitar nun defensa. No minuto 92 tras o saque de esquina o balón caelle a David Lareu no segundo pau e sen pensalo dispara a portería. O balón toca nun defensa e entra na portería poñendo un merecido 2-2 no marcador.

Cerqueda - Laxe (2-1)

• CERQUEDA: Rubén, Pablo, Javi, Santi, Ato (Bastón, min.52), Dani, Lorenzo, Javi Pazos (Iván Ponte, min.65), You (Manu, min.56), Dani Seaia (Juanjo, min.72), Dieguito.
• LAXE: Diego, Saleta, Aarón, López, Pailos, Borja, Gora, Samuel, Mandi (Zurich, min.46), Carrabete, Felipe.
• Goles: 1-0, min.3: Dani Seaia aproveitouse dun esvarón dun defensa; 1-1, min.75: Zurich cun golazo de chilena; 2-1, min.87: Dieguito de falta directa.

Importante a vitoria do Cerqueda ante o Laxe, e o deixa a 6 puntos, pero ficticios, pois o Cerqueda ten que descansar e o Laxe ten que sumar aínda os puntos do filial fisterrán. E foi un choque moi trabado, con moita tensión e moitos roces, que se decantou por detalles. Saíu moi forte o Cerqueda que marcou nos 3 minutos e de contado tivo unha gran ocasión por medio de Javi Pazos que non soubo solventar diante de Diego. Pero aí meteuse atrás o Cerqueda e o Laxe levou o peso do partido, pero non foron capaces os de Lilo de rentabilizalo en ocasións nin en goles. A segunda metade apenas tivo xogo ante os constantes paróns. O Laxe aínda apretaba máis e o Cerqueda apenas era capaz de saír á contra. Os visiantes conseguían rubricar o seu dominio co empate, que chegaba nun golazo de Zurich de chilena. E cando parecia que o partido marchaba cara o empate, Dieguito marcou un golazo de falta e deixa 3 puntos vitais para os malpicáns.

Xaviña - Alcaián (4-3)

• XAVIÑA: Pión, Ángel (Lalá, min.80), Peke, Rodri, Gatusso, Carlos, Jallejo, Dani, Elvis (Martelo, min.60), Juan Antonio (Chiriví, min.70), Pirucho.
• ALCAIÁN: Martín, Pombo, Iván, Iván, Lino, Marcos (Framil, min.60), David, Dani, Rubén, Facal, Daviciño (Piche, min.45), Marqués.
• Goles: 0-1, min.25: Marqués; 1-1, min.26: Dani; 1-2, min.40: Facal; 2-2, min.44: Carlos; 3-2, min.47: Rodri; 4-2, min.55: Gatusso de penalti; 4-3, min.75: Pombo.

Partido de ida e volta, moi igualado, sen dominador claro. As alternativas eran constantes cunha primeira metade na que o Alcaián se puxo por diante ata en dúas veces. Claves foron os dous goles antes e despois do descanso de Carlos e Rodri, que daban a volta ao marcador. Gatusso ampliaba a renda e Pombo recurtaba distancias. Ao final algunha ocasión para empatar do Alcaián de Pombo e Marqués pero o balón non quixo entrar.

Camelle - Baíñas (2-1)

• CAMELLE: Purrúa, Matías, Carlos de Dido, Baliña, Mauri (Adrián, min.75), Mario, Varu (Tedín, min.60), Iván, Javi Rañal, Jose (Sergio, min.55), Barreiro.
• BAÍÑAS: Simón, Samuel, Sergio, Sancho (Chambón, min.75), Héctor (Yanki, min.60), Iván, Cris, Styven, Nando, Diego (Mario, min.46), Adrián (Suso, min.60).
• Goles: 0-1, min.25: Sergio de cabeza nun córner; 1-1, min.40: Carlos de Dido de cabeza pola escuadra; 2-1, min.88: Barreiro.
• Lesión: o visitante Sancho.

Partido moi igualado, no que un empate podería ter sido máis xusto, e de feito o gol da vitoria chegou sen tempo de reacción. Gran ambiente no campo do Rodeiro, con 200 persoas, e churrascada ao final para coidar a esa afección camellá que obriga, a pesar do terreo de xogo, a xogar ao Camelle no campo, pois a pesar de que o Baíñas non se adaptou ao céspede natural, ao Camelle non lle vén nada ben. O Baíñas, con moitas baixas (entre elas Mario, Luís, Taski, Yanky, Damián, Dani, Esteban...), fixo un bo partido, e competiu ata o final, segue madurando xa case que pensando no ano que vén. Na primeira o porteiro Simón desbaratou 3 ocasións de José e dous de Barreiro. Foi Sergio o que adiantaba aos visitantes, nunha das poucas chegadas dos de Pato, que tamén pediron un penalti pero o colexiado sacou as mans fóra da área. Na segunda, co Baíñas moi ben plantado, o Camelle non daba entrado na malla, e tocou sufrir ata os últimos minutos, cando aparecíu a calidade de Barreiro.

Lira - Ameixenda (2-2)

• LIRA: Andrés, Javier de Milucha, Fran de Muros, Herminio, Santi (Germán, min.70), José Ramón (Xabi, min.65), Cristian, Miguel (Demetrio, min.80), Fran Perico, Oliver (Mauro, min.80)) e Suso Perico.
• AMEIXENDA: Óscar, Álvaro, Javichu, Bruno, Bichiño, Grille (David), Alberto (Demetrio, min.65), Jesus, Rioliño (Jorge, min.70), Borja, Miro.
• Goles: 0-1, min.44: Borja; 1-1, min.60: Suso Perico de penalti; 2-1, min.70: Suso Perico de penalti; 2-2, min.80: Borja.
• Expulsións: 6 expulsados. Polo Lira, Javier de Milucha, Herminio, Cristian e Suso Perico. Polo Ameixenda, Óscar Riolo e Bichiño.

O árbitro foi o verdadeiro protagonista do partido, con 2 penaltis e ata 6 expulsados sen apenas tensión nin patadas. E ademais non deixou xogar, entre tanto parón. Comezaba o Ameixenda intentando baixar o balón pero era imposible. Antes do descanso Borja adiantaba aos ceenses pero na segunda comezaba a "escabechina". Suso Perico daba a volta ao marcador dende os 11 metros, con dous penaltis consecutivos, e comezaban as expulsións, 4 para os lirachos, e 2 para os ceenses. Borja de novo, entre a marea de tarxetas, era quen de poñer a igualada final.

Muxía - Soneira B (2-2)

• MUXÍA: Ángel Luís, Luís Romaní, Ruso, Currás, Ángel do Claudio, Pataca, Juan, Dimas (Dimas, min.70), Macareno, Javi (David, min.60), Pardelo (Iván, min.65).
• SONEIRA B: Martín, Curra (Pichón, min.46), Alberto, Chuchi (Borjita, min.75), Iván Chans, Roi, Quilmes, Chino, Felix (Pablo, min.70), Wii.
• Goles: 1-0, min.15: Pardelo; 2-0, min.35: Javi; 2-1, min.50: Wii; 2-2, min.89: Wii de penalti.
• Expulsión: o soneirán Roi (min.60).

Empate en Arliña cunha parte para cada un. Mellor o Muxía ao principio que marcou pronto e puido sentenciar, sobre todo con varias chegadas de Pardelo e de Dimas. Non se aclimatou ben ao campo o Soneira B e tardou ata a segunda parte en meterse no partido. O gol inicial de Wii provocou unha subida de ánimo do Soneira B que mesmo con 10, empurrou moito, porque o físico muxián non daba. Así, e de novo tras un saque de banda, chegou o penalti que no último minuto daba o empate ao filial, que case certifica o seu posto na promoción.

Corcoesto - Coristanco (1-2)

• CORCOESTO: Anxo, Sergio, Germán, Longo, Ángel, Luís, Xabi (Uru, min.70), Patelo (Miguel, min.60), Javi, Pablo, Pichuco (Héctor, min.55).
• CORISTANCO: Brais, Rubén, Héctor, Juan (Alexis, min.55), Javi, Iván, Cancela, Adrián, Navarro, Gonzalo (Sergio, min.70), Jonathan.
• Goles: 1-0, min.5: Pablo de falta con algo de sorte pegando na barreira; 1-1, min.48: Iván de penalti; 1-2, min.70: Iván de falta.
• Expulsión: o porteiro local Anxo a volta do descanso.

Partido estrano en Corcoesto no que o cadro local non fixo un bo partido e deixou escapar, de novo, o gol inicial de Pablo. Pero deixouse levar o Corcoesto e o Coristanco foi collendo o mando, sendo un partido moi igualado. A xogada clave chegou á volta do descanso, tras unha mala cesión e que o porteiro Anxo se liou e acabou facendo penalti e sendo expulsado. Iván marcou e xa cun xogador de porteiro, Iván facía o 1-2 de falta directa.

Máis información

• www.futboldacosta.com.
• Cadros da Copa da Costa 2013.

Crónicas da semana

• 2ª Autonómica: Igual por arriba e tensión por abaixo.
• 1ª Autonómica: O Ponteceso salva unha xornada fatídica.
• Preferente: Sen tensión.
• Resultados e análise da xornada do fútbol da Costa da volta do parón de Pascua.

Novas relacionadas

• Un cadete fisterrán do Dumbría probará co Levante.
• Entrevista de David Castro con Miki Pose, un cabanés en Dumbría.
• Vídeoentrevista de Anxo Garrido aos irmáns Mato do Cabana.
• Alberto Pose: Xa está de volta a Champions League do fútbol modesto.

Fonte

• Redacción de Deportes de QPC ([email protected]).
• Colabora Víctor Santos.